काठमाडौं । फास्टफुड एशोसियसन नेपालको आयोजनामा सामाजिक ब्यक्तित्व “राजनारायण श्रेष्ठको १३ औं पुन्यतिथीको अवसरमा श्रद्धाञ्जली सभा” रिपोटर्स क्लव नेपालको हलमा सम्पन्न भएको छ । श्रद्धाञ्जली सभामा फास्टफुड एशोसियसन नेपालका अध्यक्ष राज कुमार श्रेष्ठ रहेका थिए भने संघिय सांसद पुर्ण बहादुर तामाङ (कान्छा राम) को प्रमुख आतिथ्यता रहेको थियो । त्यसैगरी पुर्व आर्थिक मामिला तथा योजना मन्त्री कैलाश ढुंगेल संस्थापक अध्यक्ष तारा राम श्रेष्ठ, निवर्तमान अध्यक्ष केश बहादुर श्रेष्ठ, स्व. राजनारायण श्रेष्ठ की श्रीमती रमिता श्रेष्ठ, निजका छोरा कृष्ण श्रेष्ठ निजका दाई हरि नारायण श्रेष्ठ, निजका छोरीहरु अञ्जना, मिना, शान्ती, लक्ष्मी लगायत अन्य ब्यक्तिहरुको बिशेष आतिथ्यता रहेको थियो ।
श्रद्धाञ्जली सभामा समाजसेबी ब्यक्तिहरु र पत्रकारहरुको पनि उपस्थिती रहेको थियो । राजनारायण श्रेष्ठको जन्म २०३० पुस १४ गते भएको थियो भने २०८० पुस १० गते निधन भएको थियो । ५० बर्षको अल्पायुमा निधन भएका राजनारायण श्रेष्ठ यसै संस्थाका संस्थापक सदस्य एबं पुर्व महासचिव रहेका थिए । उनले कुशल ब्यवस्थापक, सामाजिक अभियन्ता, असल अभिभावक, आदर्श महान नेताको छबी बनाएका थिए । साथै लायन्स क्लव अफ रामेछापका अध्यक्ष हुनुका साथै बिभिन्न ३ दर्जन जती संघ संस्थामा आबद्ध रही सामाजिक कार्य गर्दै आएका थिए । त्यसका साथ साथै उनले ब्यवसायलाई पनि निरन्तरता दिएका थिए । श्रद्धाञ्जली सभामा प्रमुख अतिथी, बिशेष अतिथी, आयोजक टिम लगायत अन्य ब्यक्तिहरुले तस्बिरमा मालार्पण गरेर श्रद्धाञ्जली दिएका थिए ।
संस्थाको पदमा रहदा वा नरहदा पनि संस्थालाई गतिशिल बनाउन निरन्तर लागी पर्ने, धेरै सदस्यहरु बनाई सदस्यहरुको समस्या समाधान गर्न सफल भएको, संस्थाको जग्गा खरिद गर्न लागी परेर जग्गा खरिद गर्न सफल भएको, संस्थाले रेस्टुरेन्टको कर्मचारीलाई तालिम प्रदान गरेको, संस्थालाई देशब्यापी बनाउन लागी परेको लगायत अन्य कुराहरु संस्थापक अध्यक्ष, वर्तमान अध्यक्ष र पुर्व अध्यक्षहरुले जानकारी गराएका थिए ।
सोही अवसरमा “व्यवसायिक सुरक्षा कोषको आन्तरिक बिमा” बापत प्राप्त हुने रकम १ लाख रुपैयाँ पनि उहाँको परिवारलाई हस्तान्तरण गरेको थियो । १ लाख रुपैयाको चेक हस्तान्तरण भएपछि निजका छोरा कृष्ण श्रेष्ठले सो रुकममा आफ्नो परिवारको तर्फबाट १ लाख रुपैया थप गरी २ लाख बनाएर सामाजिक कार्यमा बुवाको नाममा लगानी गर्ने कुरा जानकारी गराएका छन् ।
फास्टफुड एशोसियसन नेपालद्धारा आयोजित श्रद्धाञ्जली सभाको प्रमुख अतिथीको रुपमा रहेका संघिय सांसद पुर्ण बहादुर तामाङ (कान्छा राम) भाबुक हुँदै रुदै भने “उहाँ जिवित भएको भए अझै केही गर्नुहुन्थ्यो । एकदम जोशिलो हुनुहन्थ्यो । समाजको लागी केही गर्छु भन्ने हिम्मत थियो । उहाँको निधनले मेरो आँशु आएको छ । उहाँले राम्रो कामहरु र बिभिन्न संघ संस्थाहरुलाई योग्दान दिनुभएको थियो र अहिले सम्मान पाउनु भएको छ । उहाँको निधन हुँदाको दिनमा पार्टी र बिभिन्न संघ संस्थाहरुबाट ठुलो योग्दान दिएको भएर ठुलो सम्मान पाउनु भएको थियो । उहाँले जस्तो ठुलो सम्मान रामेछापमा कस्ले पाएको थियो र अरुले आगामी दिनमा पाउने पनि छैनन् । सम्मान पाउनलाई आफुले केही योग्दान दिनै पर्छ, त्यसको मुल्यांकन निधन पछि मात्र हुने गर्दछ । उहाँको परिवारले चाहेको बेला म जतिबेला पनि उपस्थित हुनेछु । म बाट हरेक कुरामा सक्दो सहयोग हुनेछ भन्ने प्रतिबद्धता जनाउदछु ।”