महलको सुखसयल । श्रीमती र छोरीसँगको माया–प्रेम । सुरा–सुन्दरीहरूसँगको रमाइलो । अर्को शब्दमा भन्नुपर्दा एक सम्पूर्ण सांसारिक वातावरण । के एउटा तन्नेरी यी सबै मोजमस्ती र बाध्यताका साइनोहरूलाई चटक्कै तोडेर रातारात साधु बन्न सक्छ ? इतिहासमा समेत यस्ता पात्र अपवादमा मात्र भेटिन्छन् । तर यसै युगमा एउटा युवा २५ सय वर्षअघि दरबार छोडेर निस्किएका राजकुमार सिद्धार्थ गौतमको पदचाप पछ्याउँदै महल छोडेर कुटी रोज्छ । ५ वर्षदेखि साधुको जीवन बाँच्दै आएको त्यस तन्नेरीसँगको साक्षात्कार नै आजको हाम्रो रिपोर्ट हो ।
– सम्भ्रान्त परिवारको दैनिकी माया मारेर एउटा तन्नेरी पशुपतिनाथ परिसरभित्र मृगस्थलीमा रहेको कुटीमा बस्छ भन्ने कथा के तपाईंले सुन्नु भएको छ ?
– भक्तहरूलाई यसरी जीवन र जगत सिकाउने यी तन्नेरी गुरु उमेरको हिसावले भर्खरै ४० टेकेका छन् । उनको नागरिकतामा उल्लेख भएको नाम प्रवञ्जन बहादुर सिंह हो । तर यस आश्रममा यिनलाई व्यग्र वेदनाथको नामले चिनिन्छ । उनी विगत ५ वर्षदेखि गोरखनाथ गोरक्षपीठमा धेरैको गुरु, शुभचिन्तक र पथप्रदर्शक भएर बसेका छन् । उनलाई महाराज भनेर संबोधन गर्नेहरूको पनि गोरक्षपीठमा भीड लाग्ने गर्छ ।
चलनचल्तीको भाषा अनुसार ‘ग्यांगस्टर’ देखि रंगरंगीला लाइफस्टाइलमा रमाइरहेका प्रवञ्जन बहादुर सिंह अचानक योगी व्यग्र वेदनाथमा रूपान्तर हु“दासम्मको किस्सा अचम्मकै छ ।
भिडियो हेर्नुहोला