मंगलबार बिहान आफ्नो छोराछोरीलाई स्कुल बसमा चढाएर त्यही बसमा पोखरा बिरौटा चोकसम्म आएकी सरिता पौडेल सुबेदी कहिल्यै नफर्कनेगरी बिदा भईन् । बालोदय बोर्डिङ स्कुलको बसमा चढेकी उनी बसबाट उत्रनेक्रममा त्यही बसको पछिल्लो चक्काले किच्दा ज्यान गुमाएकी हुन् । स्याङ्जा घर भई पोखरा १७ बिरौटा बस्दै आएकी करिब २५ बर्षिय सरिताको ज्यान बसको लापरबार्हीले भएको घटनाको प्रत्यक्षदर्शी बताउँछन् । प्रत्यक्षदर्शीका अनुसार सरिता झर्न खोज्दा बस रोकीएको थिएन । बसको गती थोरै भएपनि बस पूर्ण रुपमा नरोकिएको र त्यही कारण सरिता लडेको प्रत्यक्षदर्शीको कथन छ । सरिता लडेपछि देख्नेहरुले बस रोक्न भनेको र बसले नसुनेको उनीहरुले आरोप लगाए । दुर्घटना हुनेबित्तिकै प्रहरीको गाडी नजिकै आयो तर घटनास्थलमा रहेका व्यक्तिहरुले घाईते प्रहरीको सहयोग माग्दा प्रहरीले सहयोग नगरेकोमा आक्रोश समेत व्यक्त गरे । हेर्नुहोस् यो भिडियो
![](https://usercontent.one/wp/www.scotnepal.com/wp-content/uploads/2019/12/sarita.jpg?media=1681339879)