पोखरामा एक आमाले आफ्नै डेढ महिने शिशुलाई पालन पोषण गर्न नसक्ने भन्दै खोलामा फाल्ने बताएपछि मानवसेवा आश्रम पोखराले शिशुको उद्दार गरेको छ । पोखरा २५ हेमजामा ज्यामी काम गर्ने ती आमाले शिशुको बाबु समेत आफूलाई पत्तो नभएको भन्दै नपाल्ने बताएकी थिईन् ।
शिशुलाई पोखराको छोरेपाटन स्थित आश्रमले गत असार १८ गते उद्दार गरेको थियो । आश्रमको अभिलेख अनुसार आमाको नाम म्याग्दी गैरीवाङ ७ घर भएकी उर्मिला नेपाली हो । शिशुलाई आश्रममा छोड्न हजुरआमा बताउने दिलमाया नेपाली र हिमा अधिकारी महिलाको साथमा पुगेका थिए ।