काठमाडौं – नायिका पूजा शर्मा र नायक पुष्प खड्का एकसाथ नयाँ म्युजिक भिडियोमा देखिएका छन् ।  गायक किरण पुन्जको  ‘अन्तिम इच्छा’ बोलको भिडियोमा उनीहरु एकसाथ देखिएका हुन्।

सेण्टिमेण्टल भर्सनको गीतमा राजेन्द्र वाइबाको शब्द, संगीत र संगीत संयोजन रहेको छ।  जीवनमा आइपर्ने दुखद परिस्थितिलाई समेटेर तयार पारिएको भिडियोलाई बुद्ध थापाले छायाँकन गरेका हुन्। भिडियोमा विकाश धमलाको सम्पादन रहेको छ।

निकेश खड्काको निर्देशनमा तयार पारिएको यस भिडियोलाई ‘ओएसआर डिजिटल’ नामक युट्युव च्यानल मार्फत सार्वजनिक गरिएको हो।  गायक पुन्ज शास्त्रीय गायनका प्रशिक्षकका रुपमा कार्यरत छन्। २०५८ साल देखि आफ्नो संगीत यात्रा सुरु गरेका गायक पुन्जले २०६६ सालमा ‘किरण’ नामक एल्बम  समेत प्रकाशित गरेका थिए।