विद्यार्थीकालदेखि नै सशक्त आन्दोलन गर्दै आएकी झाँक्रीले मन्त्रीको जिम्मेवारीबाट हट्ने निश्चित भएपछि अपमानवोध गर्दै खसालेको आँशु र मुुटुमा गाँठो पारेर राखेको धारणालाई स्वयम् महिला र महिला अधिकारकर्मीहरुले नै आलोचना गरेका छन् ।
एक जनाले सामाजिक सञ्जालमा लेखेका छन्, ‘बिहेपछि जन्मघरबाट बिदाइ हुँदा रून छाडेका आधुनिक महिला मन्त्रालय छाड्नुपर्दा गहभरि आँशु पारेर रुँदा रहेछन् । महिला सशक्तिकरण भनेको यही होला ।’
राजनीतिमा प्राप्त हुने पद र प्रतिष्ठालाई क्षणिक मान्नेको निम्ति आँशु शब्दकोषमा मात्र हुने समाजशास्त्री र मनोवेत्ताहरु बताउँछन् । पौने एक वर्षअघि एमाले छाडेर नेकपा एकीकृत समाजवादी गठन गर्दा राजधानीमा आयोजित एक आमसभालाई सम्बोधन गर्न जाने क्रममा झाँक्रीले देखाएको शैलीलाई धेरैले रुचाएका थिए । उनले शरीरमा लगाइएको ज्याकेट फुकालेर भीड भएको ठाउँतिर फालिदिएकी थिइन् ।
त्यसपछि मञ्चमा उभिएर मुखमा लगाएको मास्क फालिन् । त्यसभित्र उनको मुखमा बुजो लगाइएको संकेतस्वरुप कालो टेप टाँसिएको थियो । ओली शासनको बेला शीतल निवाससँग जोडिएको एउटा विषयमा उनीसँग प्रहरीले गरेको सोधपुछलाई अभिव्यक्ति स्वतन्त्रतासँग जोडेर मुखमा टेप लगाएकी थिइन् । त्यहि टेप खोलेर धुँवाधार भाषण गरेकी हुन् ।
तर आज उनै झाँक्रीले एक सय ८० डिग्री उल्टो फर्केर पद र जिम्मेवारी त्याग्नुपर्दा सार्वजनिक रुपमा आँशु थाम्न सकिनन् । जस्तोसुकै आपतकालीन अवस्थामा समेत आत्मबल दह्रो बनाउने वामपन्थी नेताहरुको परिचयलाई उनले आज तोडेको भनी आलोचना गर्नेहरु देखिएका छन् । यस्तै पद त्याग प्रकरणमा शेरबहादुर तामाङ्ग र रामकुमारीवीचको समानता र भिन्नता खोज्नेहरु पनि यसवीच प्रशस्त पाइएका छन् ।
प्रधानमन्त्री देउवाद्वारा मन्त्रिपरिषद् पुनर्गठन, यी हुन् थपिएका मन्त्री
प्रधानमन्त्री शेरबहादुर देउवाले मन्त्रिपरिषद् पुनर्गठन गरेका छन् । देउवाले एकीकृत समाजवादीका मन्त्रीहरु हेरफेर गरेका हुन् । माओवादी र कांग्रेसका मन्त्रीहरुलाई मन्त्रिपरिषद्मा यथावत राखिएको छ ।
देउवाले जीवनराम श्रेष्ठलाई संस्कृति, पर्यटन तथा नागरिक उडड्यन, मेटमणि चौधरीलाई शहरी विकास, भवानीप्रसाद खापुङलाई बढुवा गर्दै स्वास्थ्य तथा जनसंख्या, शेरबहादुर कुँवरलाई श्रम, रोजगार तथा सामाजिक सुरक्षामन्त्री र हिराचन्द्र केसीलाई स्वास्थ्य राज्यमन्त्रीमा नियुक्त गरेका छन् ।
राष्ट्रपति कार्यालयले जारी गरेको विज्ञप्ति अनुसार २४ सदस्यीय मन्त्रीमण्डल गठन भएको छ ।