काठमाडौं । बलिउड अभिनेता अर्जुन कपुर हालै करण जोहरको चर्चित च्याट शो ‘कफी विथ करण ७’ मा गएका थिए । उनी बहिनी सोनम कपुरसँग शोमा पुगेका थिए ।
सोही कार्यक्रममा करणले अर्जुनलाई उनको व्यावसायिक जीवनदेखि व्यक्तिगत जीवनसम्मका धेरै प्रश्न सोधेका छन् ।
यससँगै करणले अर्जुनलाई उनी आफ्नी प्रेमिका मलाइका अरोडासँग कहिले विवाह गर्ने योजनामा छन् भनेर सोधेका हुन् । जवाफमा अर्जुनले अहिले आफ्नो बिहे गर्ने कुनै योजना नभएको जवाफ फर्काए ।
करियरमा ध्यान केन्द्रित गर्न चाहन्छन्
अर्जुन भन्छन्, ‘साँच्चै भन्नुपर्दा कोरोना र लकडाउन भएको झण्डै दुई वर्ष भइसक्यो, जे भए पनि अब म आफ्नो करियरमा ध्यान केन्द्रित गर्न चाहन्छु ।’
म व्यावसायिक रूपमा स्थिर हुन चाहन्छु
अर्जुन थप भन्छन्, ‘म एकदमै यथार्थवादी मान्छे हुँ । मैले केहि लुकाउन आवश्यक छैन र यदि यो थियो भने, म यहाँ बस्ने थिइँन् । म वास्तवमै व्यावसायिक रूपमा अलि बढी स्थिर हुन चाहन्छु ।
म आर्थिक कुरा गरिरहेको छैन । म भावुक भएर बोल्छु । म काम गर्न चाहन्छु, जसले मलाई खुशी दिन्छ । किनकी म खुसी भए भने मेरो पार्टनरलाई पनि खुसी राख्न सक्छु । तब मात्र म सुखी जीवन बिताउन सक्छु । मलाई लाग्छ मेरो धेरै खुशी मेरो कामबाट आउँछ ।’
अर्जुनले मलाइकालाई आफ्नी हजुरआमासँग परिचय गराए
अर्जुनले शोमा भने, ‘मलाईकाले मेरी हजुरआमालाई भेटेकी छन् । मैले मेरो परिवार र नजिकका मानिसहरूलाई यो सम्बन्धको बारेमा बताउन धेरै समय लगाए किनभने यो एक जिम्मेवारी थियो । हामी मेरो परिवार, पूर्व पति अरबाज खानको परिवार र जनताप्रति धेरै संवेदनशील थियौं ।’
सन् २०१९ मा प्रेम सम्बन्धको घोषणा गरियो
अर्जुन र मलाइका धेरै वर्षदेखि एकअर्कालाई डेट गरिरहेका छन् । अर्जुनले सन् २०१९ मा सामाजिक सञ्जाल पोस्टमार्फत आफ्नो सम्बन्धको औपचारिक घोषणा गरेका थिए ।
मलाइकाले चलचित्र उद्योगमा अभिनेता, निर्माताको रुपमा काम गरिसकेकी छिन् । २० वर्षको उमेरमा काम गर्न थालेकी उनी फिल्म ‘दिल’को छैय्या–छैया गीतबाट रातारात स्टार बनेकी थिइन् ।