काठमाडाैं। माधव नेपालले जतिबेला नेकपा एमालेको नेतृत्व गर्ने अवसर पाए। त्यसको केही महिनामै एमाले देशकै सबैभन्दा ठूलो पार्टी बन्यो।

२०५० सालमा तत्कालीन एमाले महासचिव मदन भण्डारीको निधनपछि एमालेको नेतृत्व गर्ने अवसर पाएका नेपाल त्यसपछिका १४ वर्षसम्म एमालेको नेतृत्वमा रहे। भलै त्यतिबेला एमालेमा अध्यक्ष मनमोहन अधिकारी थिए तर तत्कालीन एमालेको विधानअनुसार कार्यकारी प्रमुखको जिम्मेवारी महासचिवलाई हुन्थ्यो।

अध्यक्षलाई पार्टीको उच्च पद मानिएको भए पनि उनको हैसियत आलंकारिक थियो। २०४७ सालको संविधानसँग लगभग सँगसँगैजस्तो जन्मिएको एमालेमा अध्यक्षको अधिकार सोही संविधानले संवैधानिक राजालाई दिएको अधिकार जस्तै थियो।

३०५६ सालको निर्वाचनको मुखमा पार्टीका अध्यक्ष मनमोहन अधिकारीको निधन भएपछि त पार्टीको उच्च पदसँगै उच्च जिम्मेवारी दुवै माधव नेपालकै थियो। २०६४ को महाधिवेशनले अध्यक्षलाई कार्यकारी प्रमुख गराउनेगरी विधान संशोधन नगर्दासम्म माधव नेपाल पार्टीको प्रमुखको रुपमा रहे।

माधव नेपालले भर्खरै पार्टीको नेतृत्व पाउँदा पार्टी देशकै ठूलो भएको थियो। तर, त्यसमा नेपालको भूमिका नगण्य थियो। मदन भण्डारीको ओज र मनमोहन अधिकारीको व्यक्तित्वको बलमा पार्टी पहिलो भएको थियो।

विरासतमा देशकै पहिलो पार्टीको नेतृत्व पाएका नेपालले त्यसलाई सही तरिकाले अगाडि बढाउन सकेनन्। फलस्वरुप उनको नेतृत्वमा पार्टी २०५६ मा दोस्रो र २०६४ मा तेस्रो भयो।

समयको प्रहार यतिसम्म निर्मम हुन्छ कि अहिले उनै माधव नेपाल एक्ला सांसद भएका छन्। उनको पार्टीसँग राष्ट्रिय पार्टीको हैसियत छैन। उनी संसद सचिवालयको रेकर्डमा स्वतन्त्र सांसद हुन्। भलै उनीसँग एमालेबाट उनको पछि लागेर गएका अन्य ९ जना सांसद जितेर आएका छन्। त

र, उनीहरु पनि स्वतन्त्र सांसद हुन्। उनीहरुलाई संसदीय दलको नेताको हैसियतमा माधव नेपालले निर्देशन दिन सक्दैनन्। ती सांसदहरु यतिसम्म स्वतन्त्र छन् कि उनीहरु आफ्नो नेतृत्वको निर्देशन मानेनन् भने पनि नेतृत्वले कारवाही गर्न सक्दैन। र, सबैभन्दा महत्वपूर्ण कुरा उनीहरुलाई पार्टी नेतृत्वसँग बगावत गर्न स्वयं माधव नेपालले नै सिकाइसकेका छन्।

२८ वर्षअघि देशकै ठूलो पार्टीको प्रमुख रहेका नेपाल अहिले एक्ला सांसद हुने अवस्था आउँदा पनि अझै उनले आफ्नो कमी कमजोरीको समीक्षा गर्न तयार छैनन्।

उनीमात्र होइन उनका पार्टीका अरु नेताहरु समेत यसको समीक्षा गर्न तयार देखिँदैनन्। बरु माधव नेपालले अबको सरकार गठबन्धनकै हुने र अबको ५ वर्षमा एक पटक आफू पनि प्रधानमन्त्री बन्न पाउनुपर्ने माग अघि सारेका छन्।

अर्कोतर्फ पार्टीका बरिष्ठ नेता झलनाथ खनालले त आफूलाई गठबन्धनभित्रकै दलहरुले समेत सहयोग नगरेको आरोप समेत लगाए। उनले निर्वाचनमा धाँधली भएको आरोप लगाउँदै पुनः मतदानको माग पनि गरे।

एकीकृत समाजवादी पार्टीको हैसियत देशमा कस्तो रहेछ भन्ने त निर्वाचनको नतिजाले देखाइसकेको छ। समानुपातिकतर्फ थ्रेसहोल्ड समेत कटाउन नसक्नु भनेको देशभरीका जनतामध्ये ३ प्रतिशत जनताको पनि मन जित्न नसक्नु हो।

तीन प्रतिशत जनताले पनि नपत्याएको पार्टीले अहिले गठबन्धनका सहयात्रीलाई सहयोग नगरेको भनेर आरोप लगाउनुको कुनै तुक छैन। किनकि यो पार्टीले जितेका १० जना सांसद गठबन्धनका अरु दलहरुकै मतले जितेको हो भन्ने स्पष्ट भइसक्यो।

यदि आफ्नै मतले जितेको हुन्थ्यो भने समानुपातिकमा त्यो मत देखिन्थ्यो। त्यसैले गठबन्धनका सहयात्रीले जे जति दिए त्यसमा चित्त बुझाउनुको सट्टा आरोप प्रत्यारोपमा उत्रिनुको औचित्य देखिँदैन।

२०६४ मा निर्वाचनमा पराजित भएर पनि त्यही संविधानसभाबाट प्रधानमन्त्री बनेका नेपालले अहिले फेरि प्रधानमन्त्री हुने आशा राखेका छन्। अहिलेको संवैधानिक व्यवस्था अनुसार माधव नेपाल प्रधानमन्त्री हुन संविधानको धारा ७६ को उपधारा ५ आकर्षित हुनुपर्छ किनकि प्रतिनिधि सभामा उनको दलको अस्तित्व छैन।

यो भनेको दलहरुले पटक पटक प्रधानमन्त्री बनाउने प्रयास गर्दा पनि प्रधानमन्त्रीका लागि बहुमत जुट्न नसकेको अवस्थामा जुनसुकै प्रतिनिधि सभा सदस्यले आफ्नो पक्षमा बहुमत जुटाएर प्रधानमन्त्री बन्ने हो।

यो उपधारा आकर्षित भएमा सांसदहरुलाई आफ्नो दलको ह्वीप लाग्दैन। त्यो अवस्थामा अरु दलका सांसदले नेतृत्वको दबाबमा आफूलाई सघाउलान् भन्ने माधव नेपालको सपना ‘आकाशको फल’ जस्तै हो।

नेकपा एकीकृत समाजवादीलाई अहिले जितेका १० जना सांसद नै जोगाउन कठिन देखिन्छ। अवस्था यस्तो छ कि अहिले माधव नेपालले कुनै दललाई समर्थन दिएर सरकारमा साझेदारीको लागि बार्गेनिङ गर्न पनि कठिन छ। उनका कुनै पनि सांसद दलका होइनन्।

उनीहरु स्वतन्त्र हुन् र उनीहरुलाई ह्वीप लाग्दैन। नेपालले केही सांसदलाई अवसर दिएर सरकारमा पठाउँदा अरु सांसद असन्तुष्ट भइदिए भने त्यसको सिधा असर सरकारमा पर्नेछ। किनकि उनको पार्टीका सबै सांसद एकल निर्णय गर्न स्वतन्त्र छन्।

उनीहरुलाई दलको ह्वीप लाग्दैन र दलले उनीहरुलाई कारवाही गर्न पनि सक्दैन। र, अरु दलले पनि उनको दललाई विश्वास गरेर अगाडि बढ्न कठिन हुन्छ किनकि कुन सांसद कतिबेला बिच्किने हो थाहा हुँदैन।

बाँकेमा धार्मिक पर्यटकीय क्षेत्रको विकास हुँदै
नेपालगञ्ज, २० मङ्सिर । बाँकेको राप्तीसोनारी र नरैनापुर गाउँपालिकामा रहेका मठमन्दिरलाई नेपालगञ्जसँग जोडेर धार्मिक पर्यटकीय गन्तव्यको रुपमा विकास गरिने भएको छ ।ति गाउँपालिकामा रहेका भुवरभवानी, बाबाबर्फानी सन्तानेश्वर हुँदै नेपालगञ्जको बागेश्वरी मन्दिरलाई जोडेर धार्मिक पर्यटकीय गन्तव्यको रुपमा विकास गर्ने योजना अघि सारिएको छ । यसले जिल्लाका ग्रामिण क्षेत्रका धार्मिक केन्द्र र नेपालगञ्जमा रहेको बागेश्वरी मन्दिर लगायतका केन्द्रलाई जोडेर पर्यटकीय गन्तव्यको रुपमा बिकास गरिने योजना छ ।
प्रतिनिधिसभा सदस्यमा निर्वाचित सूर्य ढकालले अबको पाँच वर्षभित्र सन्तानेश्वर महादेव मन्दिर क्षेत्रलाई व्यवस्थित बनाइने र राप्तिसोनारी गाउँपालिकाको भुवरभवानी, नेपालगञ्जको बागेश्वरी मन्दिर र नरैनापुरको सन्तानेश्वर र बाबाबर्फानी मन्दिरलाई जोडेर धार्मिक पर्यटनको रुपमा विकास गरिने जानकारी दिनुभयो ।

“धार्मिक पर्यटनको प्रचुर सम्भावना देखिन्छ तर त्यसका लागि नीति र योजना चाहिन्छ” उहाँले भन्नुभयो । समानुपातिकतर्फका प्रदेशसभा सदस्य वसन्ती अधिकारीले सबैका आस्थाका रुपमा रहेका सन्तानेश्वर महादेव मन्दिर दर्शनका लागि नरैनापुर धार्मिक एवं पर्यटकीय गन्तब्य बन्दै गएको बताउनुभयो । उहाँले यस क्षेत्रको विकासका लागि पर्यटन प्रवद्र्धनको कार्यक्रम अघि बढाइने जानकारी दिनुभयो । तराईको पहाड भनेर चिनिने सन्तानेश्वर महादेव मन्दिर दर्शनका लागि नरैनापुर ६ कोहलाबाट उत्तरपूर्व जङ्गलको अप्ठेरो बाटोलाई छिचोल्दै पहाड चढेर पुग्न सकिन्छ ।

यस क्षेत्रबाट तराईको रमणीय दृश्वावलोकन समेत गर्न सकिन्छ । धार्मिक पर्यटनको प्रचुर सम्भावना बोकेको चुरेको टाकुरामा अवस्थित सन्तानेश्वर महादेवको दर्शन गर्न बाँके जिल्लाबाट मात्र नभइ अन्य विभिन्न जिल्लाबाटसमेत दर्शन गर्न आउने स्थानीय सोहनलाल यादवले बताउनु भयो । करिब तीन घण्टाको पहाडी बाटो छिचोल्दै प्रतिनिधिसभा सदस्य ढकालसहित ५० भन्दा बढीको टोली दर्शनका लागि त्यहाँ पुगेको थियो । सन्तानेश्वर मदिरको दर्शनपछि ढकालले त्यहाँका पूजारी योगानन्द गिरीसङ्ग कुरा गर्दै आफूले यस क्षेत्रको पर्यटन प्रवद्र्धनका लागि उल्लेख्य काम गर्ने र पर्यटकीय सम्भावना बोकेको मन्दिरमा जाने बाटो सहज बनाउन पहल थाल्ने बताउनुभयो ।

उहाँले त्यस क्षेत्रको विकासका लागि होमस्टेको अवधारणा ल्याउने योजना बनाउने जानकारी दिनुभयो । नेपालगञ्जबाट करिब ३७ किलोमिटर पूर्वदक्षिणमा रहेको नरैनापुरको कोहलादेखि ८ किलोमिटर उत्तर पूर्व पहाडमा सो मन्दिर रहेको छ । यस मन्दिरमा सन्तान नभएकाहरुले यहाँ पुगेर दर्शन गर्दा सन्तान लाभ हुने र सन्तान भएपछि त्यहाँ पुगेर आफ्नो सन्तानको लागि गरेको मनोकामना पूरा हुने धार्मिक विश्वास रहेको पुजारी योगानन्द गिरीले बताउनुभयो।

यो पनि हेर्नुहोस्,
काठमाडौं :

चितवन क्षेत्र नम्बर २ बाट भारी मतले प्रतिनिधीसभा सदस्यमा निर्वाचित भएका राष्ट्रिय स्वतन्त्र पार्टीका सभापती रवि लामिछाने जनताको समस्या समाधानका लागी एक्सनमा उत्रिन थालेका छन् ।

केहि दिन अघि मात्रै देशभरका किसानहरु मल नपाएका कारण पिरोलीरहेको अवस्थामा लामिछानेले किन जनताले मल पाएका छैनन् ? यस भित्रको भित्री खेल के हो ?भन्ने बिषयको सोधी खोजी गर्दै साल्ट टे«डिङमै पुगेर एक्सन लिएका छन् ।

सांसद निर्वाचित भएका अधिकांश दलका नेताहरु खादा मालाले पुरिएर विजयउत्सव मनाइरहेका बेला लामिछाने भने काममा लागेका छन् । आफुलाई भोट दिने जनतालाई परेको सबैभन्दा ठूलो समस्यामानै रविले पहिलो पहल सुरु गरेका छन् ।

यस्तै आज उनले फेसबुकमा लेखेका छन्, ‘नागरिकका करिब ३०० गुनासोहरुमा काम हुदै , अधिकांश समाधान, बाँकी समाधानको प्रक्रियामा, केही वैदेशिक रोजगार सम्बन्धि गुनासोमा समन्वय हुँदै।’

यो पनि हेर्नुहोस्,

चमत्कारी जित निकाल्दै नेदरल्यान्ड पुग्यो अर्को राउण्डमा

कतारमा जारी फिफा विश्वकप फुटबलमा आजको भएको खेलमा नेदरल्यान्ड विजयी भएको छ । शनिबार सम्पन्न अन्तिम १६ को पहिलो खेलमा अमेरिकालाई ३–१ गोलले पराजित गर्दै नेदरल्यान्ड अन्तिम ८ मा प्रवेश गरेको छ ।

खलिफा रंगशालामा पहिलो हाफमै नेदरल्यान्डले २–० गोलको अग्रता लिएको थियो ।

खेलको दशौं मिनेटमा डेन्जेल डम्फ्रिजको लो क्रसलाई मेम्फिस डिपाएले गोलमा परिणत गरे । इन्ज्युरी समयमा नेदरल्यान्ड्सले अग्रता दोब्बर पार्यो । डेली ब्लिन्डले डम्फ्रिजको क्रसमा गोल गर्दै डच टोलीलाई २–० ले अघि बढाए ।

७६ औं मिनेटमा हाजी राइटले गोल गर्दै अमेरिकालाई खेलमा फर्काए । त्यसको ५ मिनेटपछि नै नेदरल्यान्ड्सले दुई गोलको अग्रता पुनः स्थापना गर्यो । डेली ब्लिन्डको पासमा डम्फ्रिजले सुन्दर फिनिस गर्दै डच टोलीलाई क्वाटरफाइनल नजिक पुर्याए ।

समूह ए को विजेताको रुपमा नकआउट चरणमा प्रवेश गरेको नेदरल्यान्ड्सले अब क्वाटरफाइनलमा आजै हुने दोस्रो खेलको विजेतासँग खेल्नेछ ।

एजेन्सी । विश्वप्रसिद्ध ब्राजिलियन फुटबलर पेलेको स्वास्थ्य अवस्था गम्भीर रहेको बताइएको छ । ८२ वर्षीय ब्राजिलियन पूर्वखेलाडी पेले साओ पाओलोस्थित अस्पतालमा मंगलबार भर्ना भएका थिए ।

आन्द्राको क्यान्सरबाट पीडित पेले स्वास्थ्य समस्याकै कारण कतारमा जारी विश्वकप अवलोकनका लागि समेत जान सकेका थिएनन् । २०२१ मा उनको आन्द्राबाट ट्युमर हटाइएपछि नियमित उपचारमा छन्।

पेलेले बिहीबार इन्स्टाग्राममार्फत् आफ्नो स्वास्थ्य लाभका लागि आएका शुभेच्छाका लागि प्रसंसकलाई धन्यवाद समेत दिएका थिए। इतिहासकै उत्कृष्ट फुटबलर मानिएका पेलेले ब्राजिललाई सन् १९५८, १९६२ र १९७० मा गरी तीन पटकसम्म विश्वकप जिताएका थिए ।

पेलेको स्वास्थ्य अवस्था बिग्रँदै गर्दा विश्वभरबाट उनको स्वास्थ्यलाभको कामना गर्दै खेलाडी र प्रसंसकहरूले शुभेच्छा प्रकट गरिरहेका छन् ।

काठमाडौं । रवी लामिछाने नेतृत्वको राष्ट्रिय स्वतन्त्र पार्टीका मकवानपुरका सभापति राजकुमार न्यौपानेमाथि कारबाहीको माग गर्दै जिल्ला कार्यसमितिका ४७ जनाले सामुहिक राजीनामा दिएका छन्।

निर्वाचनको दौरानमा पार्टीको हित विपरीत कार्य गरेको भन्दै न्यौपानेको राजीनामा माग गरिएको हो। जिल्ला सभापति न्यौपानेले निर्वाचनको अन्तिम समयमा समानुपातिक तर्फका उम्मेदवार नुर प्रसाद प्रजालाई विभिन्न प्रलोभनमा पारि नेपाली कांग्रेस बागमती प्रदेशका सभापति इन्द्र बानियाँको घरमा बसेर बैठक गर्ने गरेको आरोप लागेको छ।

रास्वपाका जिल्ला कोषाध्यक्ष एवं मकवानपुर प्रतिनिधि सभा १ का उम्मेदवार टाकाराम थापा (सुरेस), मकवानपुर २ बाट प्रतिनिधि सभा सदस्यका उम्मेदवार भरत पराजुली, जिल्ला उपसभापति निराजन बर्तौला लगायतका ४७ जनाले सामूहिक राजीनामा दिएका हुन्।
सभापतिबाट नै पार्टी प्रतिष्ठा बच्न नसकेको, आगामी दिनहरुमा पार्टी संगठन मजबुद हुन नसक्ने भन्दै उनीहरुले हस्ताक्षर सहित न्यौपानेलाई कार्बाही गर्न माग गर्दै राजीनामा दिएका हुन्।

छोरी जन्मिए बैंक खातामा पाँच हजार नगद उपहार
मध्यविन्दु,१८ मङ्सिर । नवलपरासी (बर्दघाट सुस्तापूर्व)को हुप्सेकोट गाउँपालिकाले छोरी जन्मिए पाँच हजार नगद सहितको बैंक खाता उपहार दिन थालेको छ । गाउँपालिकाले ‘हाम्रो छोरीको सुनौलो भबिष्य’ कार्यक्रममार्फत् छोरी जन्मिए रू पाँच हजार बैंक खातामा जम्मा गरिदिने कार्यक्रम सञ्चालन गरे अभिभावकहरु शिशुको नामाकरणपछि बैंक खाता खोल्न जुट्ने गरेका छन् ।

गाँउपालिकाले आर्थिक वर्षदेखि २०७८/७९ देखि लागू गरेको कार्यक्रममार्फत् छोरी जन्माउने अभिभावक खुसी हुदै गाउँपालिका र बैंक जाने गरेका छन् । गाउँपालिकाले एक जना बालिकाको खातामा नगद पाँच हजार जम्मा गरी अभिभावकलाई समेत कम्तीमा पाँच हजार रूपैयाँ जम्मा गर्नुपर्ने व्यवस्था गरेको छ । बचत रकम उच्च शिक्षा अध्ययनका बेला उपयोग गर्ने योजना बनाइएको हु्प्सेकोट गाउँपालिका अध्यक्ष लक्ष्मी देवी पाण्डेले बताउनुभयो ।

संजोग कोइराला र वर्षा राउतलाई ‘चखेवाको जोडी’ भनिन्छ । एकअर्काप्रति प्रेम, विश्वास, सहयोगी, समझदारी भावनाका कारण धेरैका लागि यो जोडी उदाहरणीय बनेको छ । तर, गत वर्ष उनीहरुको सम्बन्ध बिग्रिएको खबरले ठूलै भूकम्प ल्याएको थियो ।

फिल्म ‘के घर के डेरा’ रिलिजको बेला वर्षाले श्रीमानसँग ठूलो झगडा परेको भए पनि अहिले सम्बन्ध राम्रो रहेको बताएकी थिइन् । परालको आगो झैं वर्षा र संजोगको झगडा साम्य भएसँगै उनीहरु सार्वजनिक कार्यक्रमहरुमा एकसाथ देखिन थालेका छन् ।

यसै साता अभिनेता सलोन बस्नेत र करिश्मा केसीको मेहेन्दी, विवाह र रिसेप्सन पार्टीमा उनीहरु साथमै पुगेका थिए । रिसेप्सन पार्टीमा नवविवाहित जोडीलाई बधाई दिन मिडियाको क्यामेरा अगाडि उभिँदा यो जोडीलाई पत्रकारबाट नियमित झैं बच्चाको प्रश्न तेर्सियो ।

तर, दुवैले बच्चाको प्रश्न सुन्न र जवाफ दिन रुचि देखाएनन् । संजोगले अब फेरि यही प्रश्न नगर्न आग्रह नै गरे । तद्यपि, उनले उत्तर नदिइ सुःख पाएनन् । अनि, कुटनीतिक शैलीको जवाफ दिँदै उनले भने, ‘विधिको विधानमा लेखेको हुन्छ रे । जे लेखिएको हुन्छ, त्यही नै हुन्छ ।’

वर्षाले भने बच्चाको प्रश्नमा ‘हेरौं’ भन्दै हाँसेर टारिन् । विवाहदेखि नै यो जोडीलाई बच्चाको प्रश्नले छाडेको छैन ।संजोगले सलोन र करिश्मालाई वैवाहिक जीवनको शुभकामना दिँदै गर्दा एउटा वाक्य फुत्काए, ‘धेरै कन्ट्रोभर्सी नहोस् ।’ यो कुराले वर्षा रात्तोपिरो भइन्