धादिङ । धादिङको त्रिपुरासुन्दरी गाउँपालिका ३ स्थित मुलपानीमा सोमबार राती आहाले गाउँमा श्रीमान् श्रीमती दुबैको हत्या भयो । उक्त घटनामा अन्दाजी ७० वर्षिय श्रीमान् विष्णु बहादुर आलेमगर र ६५ वर्षिय श्रीमती निरमायाँ आलेमगरको हत्या भएको थियो ।
जस्ता र काठको कच्चीघरमा बस्दै आएका उनीहरुलाई हत्या गरि मारिएको अवस्थामा मंगलबार बिहान ८ बजे स्थानीयवासीले मृत्तावस्थामा देखेपछि प्रहरीलाई खवर गरेका थिए ।
उक्त घटना स्थानीय १३ वर्षिय बालक र १५ वर्षिय किशोर मिलेर घटाएको र उनीहरुलाई पक्राउ गरिएको प्रहरीले जनाएको छ । घटना मोबाईलको लागि घटाएको उनीहरुले स्वीकारेका छन् । हत्यापछि मोबाईल जंगलमा लगेर लुकाएका रहेछन् मोबाईल पनि फेला परिसकेको र घटनामा प्रयोग भएका धारिलो हतियार समेत उनीहरुले देखाए कै आधारमा बरामद भैसकेको प्रहरीले जनाएको छ । उनीहरु नाबालक भएको र अनुशन्धान अझै बाँकी रहेकोले अहिले हिरासद मै राखिएको प्रहरीलेजनाएको छ