सबैको मनमा बसेको बलिउड फिल्म मध्ये एक हो कुछ कुछ होता है । आज हामी यस फिल्मको बारेमा नयाँ कुरा बताउन गईरहेका छौ । जसमा सलमान खानको समेत सानो तर महत्वपुर्ण भुमिका रहेको छ ।
यसमा सलमान खान र बलिउडका चर्चित निर्माता तथा निर्देशक करण जोहरको रमाईलो किस्सा जोडिएको छ ।
करण जोहर आफ्नो फिल्मका लागि चर्चित छन् । उनका फिल्मले बक्स अफिसमा धमाका मच्चाउँछन् । करणका फिल्म र त्यसमा देखिएका स्टारकास्टले मानिसहरुबाट धेरै माया पाउँछन् तर एक समय थियो जब करणले मोटो पारिश्रमिक लिएर सलमान खानलाई आफ्नो फिल्ममा कास्ट गर्न सकेका थिएनन् ।
उनले धेरै संघर्ष गरे, त्यसपछि सलमानले करणको ब्लकबस्टर फिल्ममा पनि काम गरे । यो फिल्म अरु कुनै होइन सन् १९९८ मा रिलिज भएको ‘कुछ कुछ होता है’ थियो । फिल्मले बक्स अफिसमा सफलताको झण्डा गाडेको थियो ।
फिल्ममा शाहरुख खान, काजोल, सलमान खान र रानी मुखर्जी जस्ता स्टारहरु देखिएका थिए ।
सुरुमा धेरै जनालाई उक्त भुमिकाका लागि करणले प्रस्ताव गरेका थिए तर मानेका थिएनन् । सबैले सानो रोल भनेका थिए । तर करणको सलमानलाई कास्ट गराउने चाहनालाई सलमानले सहजै साथ दिएका थिए ।