धरान -तीन दिनकी छोरी फाल्ने बाबु पक्राउ परेका छन् । पक्राउ पर्नेमा ३३ वर्षीय अमितलाल चौधरी रहेका छन् । उनलाई छोरीलाई बराहक्षेत्र नगरपालिका(२ को चारकोसे जंगलमा फालेका थिए।
प्रहरीले उनी सहित पत्नीलाई पनि पक्राउ गरेको र पछि छाडिदिएको बताइएको छ । नवजात शिशु जंगलमा फालेको घटनामा बिन्दुको संलग्नता नदेखिएकाले उनलाई रिहा गरिएको प्रहरीले जनाएको छ ।
माघ ४ गते जन्मिएकी शिशुलाइ चौधरीले ६ गते बराहक्षेत्र नगरपालिका(२ को चारकोसे जंगलमा लगेर फालेका थिए। जंगलमा वस्तु चराउन गएका गोठालाले नवजात शिशुलाइ देखेपछि जनप्रतिनिधि र प्रहरीलाई खबर गरेका थिए।
शिशुको उद्धार गरी बीपी कोइराला स्वास्थ्य विज्ञान प्रतिष्ठान भर्ना गरिएको बताइएको छ । शिशु माघ ४ गते बीपी प्रतिष्ठान मै जन्मिएको चिकित्सकले बताए पश्चात प्रहरीले शनिबार अमित र बिन्दालाइ पक्राउ गरेको थियो।