गोरखाको मान्बु पुगेर फर्किएका रबि लामिछानेले आजको सिधा कुरा यसरि सुरु गरे….
मलाई आज यो देशको प्रतिनिधीत्व गर्दै देशले दिएको सुविधा र नागरीकले तिरेको करमा जीवन चलाउने महामहिम राजदुत तहरु र दुतावासका कर्मचारी ज्युहरुसँग केही भन्नु छ ।
विशेष त खाडी क्षेत्रका दुतावासलाई लक्षित गरेर केही भन्नु छ । महामहिम राजदुत ज्युहरु तपाईहरुको हरेक बोली र कुयाकलाप डिप्लोम्याटीक हुन्छ र हुनुपर्छ , तपाईहरु हो नै डिप्लोम्याट । तर आज मलाई माफ गर्नु होस । म आज १०० प्रतिशत सिधा कुरा गर्न चाहान्छु , चाकरी र चापलुसी भरिएको शब्दहरु प्रयोग गरेकोमा माइन्ड नगर्नुहोल ।
१, तपाईको एम्वेसीमा फोन उठ्दैन रे, उठेपनि राम्रो व्यवहार गरिदैन र हो ? यो कम्पेलेन १ जना २ जनाको होइन ,सयौँ, हजारौँ जनाको हो । फोन उठाउन र नेपाली जनताको सेवा गर्न भनेरै तपाइलाई तलब दिइएको हो । फेरी तिनै नेपालीसँग झर्को फर्को किन ? तिनकै लागि भनेर राज्यले तपाईलाई जागिर दिएको हो ।
मिठो बोल्नुहोस, नबुझ्नेलाई सय पटक, हजार पटक त के लाख पटक पनि सम्झाउनु होस । सोझा साझा नेपाली दाजु,भाइहरुले विदेशी भुमीमा धेरै कुरा बुझेका हुँदैनन ,त्यसैले सर म्याडमहरुलाई टनाटन सुविधा दिएर राखिएको हो । २, दलालले ठगेर विचल्लीमा परेका र एउटै कोठामा भेडा बाख्रा झै कोचीएर बसेका नेपालीहरुको गुनासो सुन्दै सुन्नु हुन्न रे हो ? यो एक जना दुइ जनाको होइन, सयौ, हजारौँ नेपालीको गुनासो हो ।
सरकारले तपाइहरुका लागि खाने बस्ने राम्रो सुवीधा दिएको छ । जाडोमा न्यानो र गर्मीमा सितल हुने वातानुकुलित कोठामा तपाई सुतिरहँदा विदेशमा पनि सडक, सेल्टर र गोठ जस्तो कोठामा कोचिएका नेपालीहरुको बारेमा न सोच्ने ? तपाईको सुविधामा ति कर्मठ नेपालीको पसीना गनाउँदैन, मगमग बास्ना आउँछ ।
अर्काको देशमा पसिना बगाउँदा बगाउँदै जिवन गुमाएका नेपालीहरुलको लाश नेपाल ल्याउनको लागि पनि तपाईहरु पहल गर्नु हुन्न रे ? यो पनि एक जना दुई जनाको होइन सयौँको गुनासो हो ।सबलाई थाहा छ तपाईहरु मध्य धेरै राजदुतहरु कति कति पैसा आफ्नो आस्थाको पार्टीलाई बुझाएर राजदुतको पदमा आउनुभएको हो ।
खैर जे होस अब राजदुत भैसकेपछि विदेशी भुमीमा मुत्यु भएको नेपालीको लाश बाकसमा पठाइदिन पनि किन पहल गर्नु हुन्न ? स्रोत साधन कर्मचारी पुग्दैन भने थप्नुस,सरकारलाई, परराष्ट्र मन्त्रालयलाई दबाब दिनुस,सक्नुहुन्न भने राजदुत हुने लोभ पनि त्याग्नुस ।
ससुराली,छिमेकी र आफन्तको अगाडी घिरौला जत्रो नाक पार्न मात्र राजदुत हुनु भएको हो भने अब पुग्यो राजिनामा गर्नुहोस । र अन्त्यमा विभिन्न देशमा छरिएका बाणिज्य दुत ज्युहरुलाई पनि अनुरोध छ , टाई सुट लाएर प्रमुख अतिथि बन्दै आसन र भाषण भन्दा माथि उठिदिनुहोस ।
सिधाकुरा तपाई तर्फ पनि लक्षीत हुने क्रममा छ । आसन र भाषण मात्र गर्नेको लिष्टमा आफ्नो नाम राख्ने कि हटाउने त्यो तपाईको आफ्नै हातमा छ ।
हामीले कार्यक्रमको यस अघिको अंकमा निधन भैसकेकि एक युवतिकको रहस्यमय भिडियो प्रशारण गरेका थियौँ । आत्महत्या गर्नु अघि आफुलाइ कसैले आत्महत्याको अवस्थामा पु¥याएको भन्दै बाबु आमाको नाममा क्षमा माग्दै आफ्नै फोनमा भिडियो रेर्कड गरेकी यि युवती गोरखा आरुघाट २ मान्वकी अस्टमी गुरुङ थिइन ।
उनको शब सँगै आएको उन्को ब्यागमा फोन भेटियो । फोनमा उन्का आफन्तले हेर्दा अष्टमीले म्योसज रेकर्ड गरेकी रहेछिन् । उनाका आफन्तले यो मोवाईल चेक गर्दा भिडियो भेटिएको हो । जसले अस्टमीले आत्महत्या नगरि उनको हत्या भएको कुरालाई पुष्टि हुन्छ ।
हामीले प्रशारण गरे लगत्तै संसार भरका नेपालीको ध्यान आर्कषण भएको छ ।
भिडियोमा उनले आफुलाई बलत्कार गर्ने अरेवियन गल्फ जेनेरेज म्यान्टिनेन्स एण्ड क्लिनिङ एजेन्सी सुपरभाईजरको नाम लिएकी छिन् । साईमन काजी भन्ने ति बंगलादेशी व्यक्ति हुन् । यिनको फोटो र डिटेल एनआएएन युर्एइीका अध्यक्ष रमेश श्रेष्ठले उपलब्ध गराएका छन्। श्रेष्ठ कुनै पनि हालतमा ति व्यक्तीलाई समात्नु पर्ने भन्दै लागि परेका छन् ।
हामीले अस्टमीलाई विदेश पठाउने पारामोड ओभरसीस कंलकीका सञ्चालक कृष्ण रिजाललाई अस्टीमाको आत्महत्या पछाडी जोडीएको कम्पनी र व्यक्तिहरुको नियन्त्रण र निगरानीको लागि दबाब दिएका छौं ।
अस्टमीले आत्महत्या गरेका भनीएपनि उनले मर्नुअघि रेर्कड गरीएको भिडियोको आधारमा उनको हत्या गरीएको वा आत्महत्या लागि बाध्य पारेको देखीन्छ ।
हेर्नुहोस आजको सिधा कुरा..