ज्वाला संग्रौला,
रबीन्द्र मिश्र र बाबुरामहरुलाई नेता नमान्ने रे कोहि कोहि मेरा हितैषी मित्रहरु। उनीहरुलाई नेता मान्नेहरु पनि सबै पोलिटिकल्ली फ़्रस्ट्रेटेड रे। ए हजुर देशलाई खसी झैं काटेर टुक्रा टुक्रामा बिदेशीलाई ख़रीद बिक्री गर्ने कसाईहरु तथा जाबो प्रा.बी सम्म पढाउन सक्ने शैक्षिक योग्यता नभएका हरिलण्ठु गफाडी फटाहाहरुलाई नेता मान्नु भन्दा त बरु रबीन्द्र र बाबुराम जस्ता बिद्वानहरुलाई नै नेता मान्छु म त।चाहे तपाईँ मेरो यो रोजाईलाई पागलपन भन्नुस् या फ्रस्टेसन, त्यै स्वीकार्य छ।तर पटरपटर बोल्नु अघि एकपटक सोच्नुस ,यो फ्रस्टेसन किन आयो त?
तिनै तपाईँले आदर्श मानेका दुई कौडीका श्रीपेच बिनाका अनाड़ी राजहरुले देशलाई भीरबाट खसाएर होइन? अनि भड्खारोमा उतानो परेको देशलाई तान्न आएकाहरु चैं फ्रस्टेसन क्लब खोलेर बसेका निकम्मा मान्छे? थुक्क साथी यस्तो भाँचिनै लागेको सोचाईको सिंडी चढेर कहाँ पुग्ने योजना बनाउँदै हुनुहुन्छ? देश यस्तो लथालिंग र भताभुँग हुँदा पनि फ्रस्टेशन् नहुने तपाई चैं खुंखार देशद्रोही हो नि सोल्टा!कि मुखले मात्रै प्यारप्यार बोल्या? मनलाई कुनै दलका ठाँस्नेहरुका बिचारले कैदि नबनाउनुस्।
मौलिक स्वतन्त्रताको उपयोग गर्दै सत्य बोल्न सिक्नुस् मित्र देश बन्न धेरै समय लाग्दैन। साँच्चै देश बनाउन लागिपरेका बिज्ञहरु चिनेर पनि तिनै गनाईसकेका र थोत्रिईसकेका सामन्तहरुको घाँटीमा झुण्ड्याईएको खिया लागेको घण्टी ठटाँउदै नहिड्नुस् बेकार देशमा ध्वनि प्रदुषण मात्रै हुन्छ।अनि बैकल्पिक शक्तिहरुलाई फेशबुके पार्टी भन्नुभएकोमा तपाईँलाई कोटी कोटी नमन , किनकी नेपालमा फेशबुक नचलाउनेहरुभन्दा चलाउनेहरु नै बढी छन्। कि नेपालमै बसेर फेशबुक चलाउनेहरुले भोटै हाल्दैनन् त? उनीहरु जनता नै होईनन् प्यारे? बाकि भिडियोमा सुन्नु होला !!