बियोगान्त गीत संगीतको एकाधिकार जमाउन सफल रहेका गायक तथा मोडल पुस्कल शर्माको नयाँ गीत ‘पिडाको राजधानी’आएको छ।
लामो समयदेखी आफ्नो गीतमा सिर्जना, गायन र अभियन समेत आफैँ गर्दा आएका शर्माको यस पटकको गीतमा भने अभिनय मात्र रहेको यस गीतको चर्चा सार्वजनिक हुनु अगावै सुरु भएको छ । यस अघि सार्वजनिक भएको उनको फ्यान गीत सर्वप्रथम युट्युवको टे«डिङ्ग नम्बर १ मा आएको लोक गीत हो ।
यस गीतलाई मन्दीर म्युजिक कम्पनीले बजार व्यवस्थापन गरेको छ । गणेश अधिकारी र विष्णु माझीले स्वरबद्ध गरेको यस गीतको अभिनयमा पुस्कल शर्मा र अनु श्रेष्ठलाई देख्न सकिन्छ ।
नलाउ झुठो पिरती ३ मा संग्रहित गरिएको यस गीतको शब्द सुनिल केसीको हो भने संगीत गणेश अधिकारीको हो । हाल गीतको सम्पादनमा व्यस्त रहेका सम्पादक दिपक विष्ट यो गीतले एक पटक फेरी तहल्का पिट्ने बताउँछन् । अजय रेग्मीले छायाँकन गरेको यो भिडियोको निर्देशन भने काजिश श्रेष्ठले गरेका छन् ।