बुटवल– आईतवार गुल्मीको अर्जै फुलवारीमा आईरन लगाएको सर्ट पाईन्ट र स्टकोटमा सजिएका जिल्ला समन्व्य समिति गुल्मीका प्रमुख लक्ष्मण पराजुली, त्यतिकै सजिएका मालिका गाउँपालिका प्रमुख रितबहादुर थापा, ब्लज र साडीमा सजिएकी उपप्रमुख देवा अर्याल, किसान महासंघका केन्द्रीय सदस्य, शेषकान्त गौतम सोही गाउँपालिका वडा नम्वर ६ का वडाध्यक्ष शोभाखर गिरी लगायतका नेता र जनप्रतिनिधिहरु स्थानयको भाषामा जनता जाने लुगामा थिए । मालिका गाउँपालिकाले आयोजना गरेको १६ औं राष्ट्रिय धान दिवस तथा रोपाई महोत्सव मनाउने औपचारिक कार्यक्रमको दृश्य थियो त्यो ।
भिडियो हेर्नुहोस बबाल रमाइलो ।
औपचारिक कार्यक्रमपछि बाली गीत गाउँदै नौमती बाजा ताल बजाउँदै र नाच्दै लाग्यो टोली रोपाई गर्न अर्जै फाँटतिर । अर्जै फाँट बरिष्ठ लोक गायक बोमबहादुर कार्कीको छिमेकी गाउँ पनि हो । वाली गीतका अलवा उनले गाएको– ‘डाँडैको देवी देउराली माया हो, पात बजाउँदै झरे है ओराली मै बस्छु सम्झी झलझली’ भन्ने गीत पनि गाइयो र सनाईले त्यही लय छोपेर हुटिङ्गका साथ नाच सुरु भयो ।
खेतको गरातिर पस्नुपूर्व स्टकोट त खोले जनप्रतिनिधि र नेताहरुले अरु कपडा भने खोलेनन् । हेर्नुस् है छ्यापछ्पचाँही नगरौं, माटाको टिका मात्रै लगाउँ भनेर हिलाएको गराभित्र पसेका उनीहरुलाई रोपारेहरुले पहिला हल्का स्वागत गरि क्रमशः रोपारेहरुले समातेरै हिलामा गाड्ने गरि आक्रामक भए ।
उनीहरुको आक्रमण रिस–रागको थिएन । असारे १५ संस्कृति संरक्षण सँगै सद्भाव आदानप्रदान थियो । हिलोबाट निकै जोगिन खोजेका नेता र जनप्रतिनिधिहरु क्षणभरमै अनुहार नचिन्ने भए । हिलोबाट तर्किदै रोपाईँमा सहभागि भएका महिला त्यस माथी अलि राम्ररी र भर्खरकी देख्यो कि पुरुषले छ्याप्न सुरु गरि हाल्ने । उनिहरुको पालो नजिस्काउनु बैरागीलाई जिस्काई फासो होला भने झै सुरु गरि हिलो छ्याप्पाई युद्ध । सहनै पर्छ भन्ने छ र रु उनीहरु पनि के कम रु पुरुषलाई समातेर हिलो भित्र गाड्न पनि पछि परेनन् ।
पहिलो छ्यापाईको दोहरो भिडन्तले मनमा हंगामा मच्चाएर हो कि थप आक्रमक बन्दै थिए तरुणहरु । स्थिति यस्तो बन्यो आफैलाई खिच्दै गरेको पत्रकारको क्यामरा जोगाउने प्रयास हुँदाहुँदै पनि दोहोरो भिडन्तको गोलीरुपी हिलो क्यामराको लेन्समा समेत जम्न पुग्यो ।
अजैफाँटको त्यो रोपाई जात्रापछि जिल्ला कै प्रसिद्ध चौरासी फाँटमा आई पुग्दा महिला पुरुषको हिलोयुद्ध वारकी पारको अवस्थामा थियो । त्यस युद्धरत युृवतीहरु आफुलाई ‘आईरन बडि’ ठान्दै थिए । उनका विपरित लिङ्गहरु आफुलाई ‘आईरन कट आइरन’ ठान्दै थिए ।
दुबै पक्षले आफुहरुलाई भन्यो– ‘हो हामी असारे १५ का मोडलहरु हो । ‘आइरन कट आइरन’ हरुले मात्रै होइन,‘आइरन बडि’हरुले समेत असारे १५ का मोडलिङ्गको जस्तो सुकै पोज दिन हिच्किचाएनन् ।
उनीहरुले सोही पोजमा गीत समेत गाएर हट पोजमा हिलाम्मे खेतमा नाचेर समेत उन्माद मच्चाए । त्यो ईस्मा गाउँपालिकाको आयोजना थियो । त्यसैदिन विरामी परेर तम्घास गएको बताइने गाउँपालिका प्रमुख लक्ष्मण बिष्ट नभएपछि आयोजकको नेतृत्व उपप्रमुख विमला खत्रीले गरेकी थिइन् ।
उनी पनि औपचारिकताको सिमामा बाँधिरहन सकिनन् । असारे १५ को आम रौनकसँग घुलमिल गरिन र बाजा तालमा समेत नाचेर रौनक थपिन् । सिमा नाग्दै गरेको वातावरण जब टुङ्गिन बाध्य भयो तब साँझ र पर्न थाल्यो अतिथिहरुको विदाइले । त्यसबेला पनि केहि समूह झुम्दै थियो ।
जिल्ला सदरमुकामबाट पुगेको टोली भने फर्किदै गर्दा बस्न पाए पनि हुने रै’छ भन्दै पछुतो प्रकट गर्दै थियो । जसले अर्को सालको असारे पन्ध्र कुर्ने नै छ । असार १५ को रोपाई महोत्सव मनाउन धुर्कोट गाउँपालिकाले बेलटारीको किटेनी फाँटमा पनि को भन्दा के कम रु को रोपाई महोत्सव राखेको थियो ।
भिडियो हेर्नुहोस बबाल रमाइलो ।