पछिल्लो समय तनहुँको भानु नगरपालिकामा नरभक्षी चितुवाको आक्रमण तिब्र बन्दै गएपछि नगरपालिकाले नै एक बाघ एक लाखको पुरस्कार भन्न थालेको छ । मान्छे खाने चितुवा (बाघ)को आक्रामणबाट अहिले समय ६ जनाको ज्यान गएको छ भने ४ जनालाई घाईते बनाएको छ । यो पछिल्लो एक महिनाको अबधीमा मात्र दुई जनाले ज्यान गुमाए भने एक जना १२ बर्षकी बालिका घाईते भईन् । जिल्ला प्रशासन कार्यालय तनहुँले समेत चितुवा मार्ने आदेश दिए पछि उत्साहीत बनेको नगरपालिकाले स्थानीय सिकारीका साथ राती राती पनि प्रहरीको साथ पाउँदा पनि चितुवा मार्न सकेको छैन । चितुवा नियन्त्रणका लागी भएका प्रयासहरु सफल नभएका पनि होईनन् । थापिएको खोरमा समेत चितुवा पर्यो तर पनि मान्छेमाथि आक्रमण गर्ने क्रम रोकिएको छैन । हामी रातको समय भानुको जंगलमा पुग्दा पनि जंगलभरी बाख्रा र रुखभरी बन्दुक बोकेका शुरक्षाकर्मी थिए । हेर्नुहोस् तनहुँको भानुमा चितुवा नियन्त्रणका लागी भएको यो रात्रीकालीन कार्य ।
