काठमाडौं । अभिनेत्री स्वेता खड्काले आफू नवीनय यात्रामा रहेको बताएकी छिन् । विवाहको अघिल्लो दिन मात्रै उनले आफ्नो विवाह हुन लागेको पुष्टि गरेकी हुन् । सामाजिक सञ्जालमा लामो स्टास राख्दै उनले आफू जिन्दगीको नवीन यात्रामा निस्किन लागेको भन्दै नयाँ यात्राका लागि आशिर्वाद तथा शुभकामना दिन आग्रह गरेकी छिन् । श्वेताले भोलि धनगढीका विजयेन्द्रसिंह रावतसँग विवाह गर्न लागेकी हुन् ।

विवाह गोकर्ण फरेस्ट रिसोर्टबाट हुँदै छ । चलचित्र ‘कहाँ भेटिएला’बाट श्रीकृष्ण श्रेष्ठको जोडीको रुपमा नेपाली चलचित्रमा प्रवेश गरेकी श्वेताले २०७१ साल असार २३ गते श्रीकृष्णसँग विवाह गरेकी थिइन् । श्रीकृष्णको उपचारकै क्रममा विवाहको ३२ दिनपछि साउन २५ मा निधन भएको थियो ।चलचित्र निर्माणमा पनि हात हालेकी स्वेता व्यवसाय पनि गर्दै आएकी छिन् ।