काठमाडौं– कुनै बेला नेपाली चलचित्रका गीतमा एकछत्र राज गर्न सफल वरिष्ठ संगीतकार शम्भुजित बास्कोटा अझै पनि गीत–संगीत सिर्जनामा सक्रिय हुनुहुन्छ । संगीतकार बास्कोटाद्वारा संगीतबद्ध सुगम संगीतमा आधारित एउटा युगल गीत ‘चोरी सुटुक्क मन’ शिर्षकको म्युजिक भिडियो हालै सार्वजनिक भएको छ ।
यस गीतमा स्वर लोकप्रिय गायक स्वरूप राज आचार्य र गायिका मिलन नेवारको रहेको छ। अमेरिकामा बसेर सिर्जनामा सक्रिय गोपाल प्याकुरेलको रहेको छ। यस गीतलाई मनोहर सुनामले संगीत संयोजन गरेका हुन्।
प्रेम सम्बन्धमा आउने उतार चढावलाई प्रस्तुत गरिएको म्युजिक भिडियोमा गम्भीर बिस्ट र ऋचा थापा फिचर्ड छन्। सुबोल थापाले कोरियोग्राफी गरेको यस भिडियोलाई लु.ज. सिंहले छायांकन गरेका हुन्। भिडियोमा सुनिल थापाको सम्पादन रहेको छ। मिना भट्टराई उत्पादक रहेको यस भिडियोलाई गजित बिस्टको निर्देशनमा तयार पारिएको हो।