दिनमा हजारौं कविता लेखिन्छन, तर केही समयको अन्तरालमा बल्ल एकाध कविता भेटिन्छन जस्लाई जति पढे पनि पढ्न नपुगेको, जति सुने पनि सुन्नै नपुगेको महसूस हुन्छ ।
माया अब कसैसँग गर्न मन छैन
माया अब केबल महसुस गर्न मन छ-
एउटी त्यस्ती परीसँग,
जो साउतीमा बोल्छे
प्वाँखझै उड्छे,
अँगालोमा छैन,
तर सँगै रहन्छे ।
म लड्दा आफै उठुँ, तर उसले उठाए झैँ लागोस्
म आँशु आफै पुछुँ, तर उसले पुछे जस्तै लागोस्
माया अब कसैसँग गर्न मन छैन
माया मात्र अब महसुश गर्न मन छ ।।
म उस्को बह बुझुँ, तर उस्ले चालै नपाओस
मैले हिफाजत गरेको उस्ले पत्तै नपाओस
माया अब कसैसँग गर्न मन छैन
माया मात्र अब महसुश गर्न मन छ ।
सबै सफल प्रेम चाहन्छन, तर चर्चित कवि तथा गीतकार विप्लव प्रतिक भने आफूद्धारा मन पराइएको ब्यतिले थाहै नपाउने गरी आफूद्धारा उन्लाई गरिएको प्रेममा उन्ले नै थाहै नपाउने गरी क्रस होस र त्यस्का बारेमा आफ्नो सिर्जनाको भावमा सबै चुर्लुम्म यसरी डुबून कि त्यो डुबानसंगै निस्किएका आँशु सबैको मन हल्का गर्ने कारण बनोस भन्ने चाहन्छन । योभन्दा बिचित्र, सुन्दर र निस्वार्थ प्रेम अरु के हुन सक्छ? भनिन्छ कि उन्का साहित्यका भाव र जादुमय गहन शब्द चयनका कारण कैयन बिबाहित महिलाका कल्पनातित श्रीमान पनि हुन उनी ।
रोम प्रतिरोम तरंगित तुल्याइदिने “माया” सम्बन्धी उन्को बेजोडको कविता (कविता आँफैमा उर्जा हो र मान्छेको बीचमा आउन यस्ले सही ब्यक्तिको खोजी गरिराखेको हुन्छ । जब त्यो उर्जाले सही ब्यक्ति फेला पार्छ त त्यो कविता अत्यन्तै प्रभावकारी कविता हुन्छ । लेख्नकै लागि मात्रै लेखिने कविता प्रभावकारी हुन सक्तैन – आ-आफ्नै निस्चित ब्यक्ति बिशेषमा मात्रै सीमित हुन्छ । यो बिषयमा राजदूत बन्ने संभावनालाई त्यागेर कवी बनेका अहिलेका एकजना बेजोड युवा कवीलाई लिएर अर्को साहित्यिक यात्रामा) । जतिसुकै बेजोड र सशक्त सामग्रीले पनि सबैलाई आकर्षित गर्छ नै भन्ने पनि छैन र यस्का लागि ब्यक्ति बिशेषहरुबाट निस्कने तरंगहरुको प्रकृति मेल खाने प्रकृतिको हुनुपर्छ । यो फेरि अर्को नदेखिने गहिरो यथार्थता हो ।
सान्दर्भिक: कायरहरु साहित्यकार र बुद्धिजीवि यसकारणले हुन सक्तैनन कि कायरताले स्वतन्त्रता र न्यायको पक्षमा वकालत गर्न सक्ने हैसियतमा अंकुश लगाइदिन्छ ।
श्रोत: लुम्बिनी-कपिलवस्तु विस्व अभियानका विस्व संयोजक एबं अन्तराष्ट्रिय नेपाली कलाकार समाज (इनास) का ग्लोबल सल्लाहकार रामकुमार श्रेष्ठको फेसबुक ।
Twitter: @Ramkshrestha