काठमाडौं १२ फागुन । सत्तारुढ नेपाली कांग्रेस र प्रमुख प्रतिपक्षी दल नेकपा एमालेबिच छलफल सुरु भएको छ ।
आज बस्ने संसद बैठक स्थगित भएपछि कांग्रेस र एमालेबिच छलफल सुरु भएको हो । छलफल संसद भवन, नयाँ बानेश्वरस्थित एमाले अध्यक्ष केपी शर्मा ओलीको कार्यकक्षमा भएको छ ।
उक्त छलफलमा एमाले वरिष्ठ उपाध्यक्ष ईश्वर पोखरेल, एमाले संसदीय दलका उपनेता सुवास नेम्वाङ, कांग्रेस महामन्त्री गगनकुमार थापा, सञ्चारमन्त्री ज्ञानेन्द्रबहादुर कार्की लगायतको उपस्थिति रहेको छ ।
संसद बैठक अगाडी माओवादी अध्यक्ष प्रचण्डसँग भेटवार्ता गरेका देउवाले त्यस लगत्तै संसद बैठक स्थगित गर्न भनेका थिए । जसको पश्चात देउवा एमालेसँग छलफलमा जुटेका छन् ।
एमसीसीको विरोध देशरभ प्रर्दशन अनि आफ्नै सरकारमा सहभागी भएका दलहरुले समर्थन नगरेपछि चिडिएका देउवा एमालेलाई लिए र एमसीसी पास गर्न अर्को रणनीतिमा लागेका छन् ।