काठमाडौं १८ फागुन । नयाँ बानेश्वर स्थित संसद भवन अगाडी शंकास्पद बस्तु अभियोगमा प्रहरीले एक जनालाई पक्राउ गरेको छ । पक्राउ पर्नेमा काभ्रे भुम्लु गाउँपालिका–२ सिमथलीका २१ वर्षीय सुवास महत रहेका छन् ।
आइतबार बसेको संसद बैठकमा अमेरिकी परियोजना एमसीसी संसदबाट अनुमोदन भएको भोली पल्ट सोमबार संसद भवन अगाडी ‘नो एमसीसी’ लेखिएको प्रेसर कुकर भेटिएको थियो ।
उक्त नो एमसीसी लेखिएको शंकास्पद वस्तुलाई नेपाली सेनाको बम डिस्पोजल टोलीले डिस्पोज गरेको थियो ।
पक्राउ परेका महत अनेरास्ववियु क्रान्तिकारीको पशुपति बहुमुखी क्याम्पस कमिटीका अध्यक्ष रहेको प्रहरीले जनाएको छ ।