काठमाडौं -गायक तथा होस्ट आदित्य नारायण बुवा बनेका छन् । आदित्य नारायणकी श्रीमती श्वेता अग्रवालले छोरीलाई जन्म दिएसँगै उनी बाबु बनेका हुन् । मुम्बईको एक नर्सिंग होममा स्वेताले छोरीलाई जन्म दिएको बताइएको छ । आदित्य र श्वेता पहिलो पटक आमाबुवा बनेकोमा निकै खुसी छन् ।

यता हजुरबुवा बनेपछि उदित नारायण दम्पती पनि कम खुशी छैनन् । उनीहरु नातीनिलाई एनजल भनेर सम्बोधन गरेको बताइएको छ । श्वेता अग्रवाल झाले २४ फेब्रुअरीमा छोरीलाई जन्म दिएको बताइएको छ ।आदित्यले बाबु बनेपछि यो खुसीको खबर बुवा उदित नारायणलाई पनि सुनाए । आदित्यले यो खबर सुनेपछि बुवाको खुसीको सीमा रहेन भन्दै स्टाटस लेखेका थिए ।