काठमाडौं। अभिनेत्री करिश्मा मानन्धर नेकपा एमालेमा प्रवेश गर्ने भएकी छन्। मानन्धरले पार्टी प्रवेश गर्नेबारे एमाले अध्यक्ष केपी शर्मा ओलीसँग छलफल गरेकी छन्। बिहीबार एमाले सांसद नवराज सिलवाल र गंगा चौधरीसहित उनले अध्यक्ष ओलीलाई भेटेकी हुन्।
आफ्नो धेरै साथीभाइ एमाले निकट भएको भन्दै आफूले पनि पार्टी प्रवेश गर्ने मनस्थिति पहिले नै बनाएको उनले बताइन्। नायिका मानन्धरले आफू एमालेमा कहिले प्रवेश गर्ने भन्नेबारेमा भने निर्णय लिइसकेकी छैनन्।
यसअघि करिश्मा डा. बाबुराम भट्टराई नेतृत्वको तत्कालीन नयाँ शक्ति पार्टीमा आवद्ध भएकी थिइन्। सो पार्टी परित्याग गरेर करिश्मा हाल राजनीतिबाट टाढा छन्।