प्रकाश सपुतको नयाँ गीत पीर रिलिज भएको २४ घण्टा पनि नबित्दै विवादमा तानिएको छ ।
जनयुद्धमा सहभागी जनमुक्ति सेनाको दुःखमा आधारित भएर बनाइएको १६ मिनेट २५ सेकेण्ड लामो गीत यतिबेला युट्युबको ट्रेन्डिङमा रहेको छ ।
तर, गीत सार्वजनिक भएपछि माओवादी वृत्तबाट यसको चर्को आलोचना भइरहेको छ ।
नेकपा माओवादी केन्द्रसम्बद्ध अनेरास्ववियू क्रान्तिकारीकी अध्यक्ष पञ्चा सिंहले सपुतलाई गीत हटाउन चेतावनी नै दिएकी छिन् । उनले सर्वाजनिक माफी मागेर तत्काल युट्युबबाट गीत नहटाए गैरजिम्मेवार हर्कत सहेर नबस्ने बताएकी छन् ।
उनले सामाजिक सञ्जालमा लेखेकी छन् : महान् जनयुद्धको कारण केही थान मन्त्रीहरू ,माननीयहरू र टाठा बाठाहरूको जीवन बदलिएको र जनमुक्ति सेना नेपाल र आम कार्यकर्ताको व्यवस्थापन हुन नसकेको भन्ने बहस जरुर रूपमा छ ।
सहिद परिवार बेपत्ता परिवार ,पूर्व जनमुक्ति सेना नेपाल, जनयुद्धमा सहभागी आम कार्यकर्ताको व्यवस्थापनमा नेतृत्व बेखवर भने छैन । कतिपय प्रयत्न हरू सफल हुन सकेका छैनन् ।व्यवस्थापनमा केही नभएको भन्ने पनि हाेइन विभिन्न तहमा प्रयत्नहरू भइरहेका पनि छन् तर व्यवस्थापन हुन नसकेका जटिलताहरू देखाएर जनयुद्धमा सहभागी महिलाहरू शरीर बेच्ने काममा संलग्न भएको भन्ने सन्देश दिने गरी प्रकाश सपूत जी ले युट्युबमा अपलाेड गरिएको पिर नामक भिडियो आपत्तिजनक र निन्दनीय छ ।
जनयुद्धकै कारण महिलाले स्वतन्त्रता , न्याय र समानता प्राप्त गरेको राज्यका हरेक निकायमा ३३% प्रतिशत महिला सहभागिता सुनिश्चित भएको कुरा प्रकाश जी तपाईंलाई बुझाइरहन पर्ने हो । जनयुद्ध सहभागी महिलाले तपाईंको पनि स्वतन्त्रता र तपाईंले भोगेको जातीय विभेद विरुद्ध पनि लडेका थिए भन्ने कुरा यति चाडै भुल्नु भयो । तिनै दिदीबहिनीहरु माथि अपमान हुने गरी बनाइएको तपाईंको पिर नामक भिडियो सार्वजनिक माफी मागेर तत्काल युट्युबबाट नहटाइए तपाईंको यस्तो गैर जिम्मेवार हर्कत सहेर नबस्ने चेतावनी दिन चाहन्छु ।
त्यस्तै माओवादीका केन्द्रीय सदस्य दीपशिखाले पनि गीतप्रति आपत्ति जनाएका छन् । उनले लेखेका छन्, ‘जब एउटा सर्जक सिर्जनामाथि व्यापार गर्न थाल्छ नि, उसले बजार हेर्छ र मानिसहरूका भावनाहरूबाट आफैलाई मार्छ । प्रकाश सपुत एक राम्रा सर्जक हुन् ! व्यापारमा सिर्जना नमारुन् !
`पिर’ को परिकल्पनाको समग्र पक्षप्रति राजनीतिक कोण नबनाऊ तर माओवादी जनयुद्ध लड्ने एक महिला छापामारको अभावलाई उनले `देह’ व्यापारमा लगेर जसरी चित्रण गरेका छन् – त्यो आपत्तिजनक मात्रै होइन दण्डनीय छ ।
उसो भए सर्जक सपुतलाई मेरो एउटा प्रश्न – अभाव, निराश अनि गरिब महिलाहरूले देह व्यापार नै गर्छन् हो ?’ सायद ती महिलाहरूले नलडेको भए सपुतहरूले स्वतन्त्र गीतहरूमा निर्धक्क सङ्गीत भरेर उन्मुक्त गुनगुनाउन सक्दैनथे !’
यस्तै माओवादी केन्द्र का केन्द्रीय सदस्य तिलकराज भण्डारीले पनि आपत्ति जनाएका छन् उनले लेखेका छन्.”हो, हामीले “वर्गीय युद्ध” लडेको हो ! जसको बलमा व्यवस्था बदलिएको हो !! तिमी-हामी जस्तै उत्पिडित वर्ग र समुदायका अधिकार स्थापित गरिएको हो !!
अब जनताको जीवन बदल्ने कार्यभार बाँकी छ !!! केही बिचलन र सीमाहरु देखिएको पनि साँचो हो !!!!! तर, तिमीले परिकल्पना गरेको जस्तो विचलन र, सीमाहरु कदापी हैन !!!!!! क्रान्ति कोही नेता, पार्टी र व्यक्तिको मात्रै मामला पनि हैन !!!!!!!
यो त निरन्तर चलिरन्छ र, काेहि न कोहिले नेतृत्व गर्छ नै!!!!!!!! तिमीले यसप्रकारका गीत, संगीत बाट जति नै चर्चा र पैसा कमाए पनि !!!!!! समय र समाज ले तिमीलाइ धिक्कार्ने छ र, भविश्यमा पश्चाताप गरिरहने छौ !!!!!!!
म्युजिक भिडियोमा छोरीले सोधे झैं तिम्रो आत्मलाइ एकपटक सोध त ! क्रान्ति, त्याग, वलिदान र त्यसको उपलब्धि के हो ??? जनयुद्धका वीर
यसैगरी माओवादी केन्द्रका केन्द्रीय सदस्य तथा वाइसिएल नेपालका सहसंयोजक सुबोध सेर्पाइली सपुतको गित काल्पनिक कथा भन्दै आपत्ति जनाएका छन । उनले लेखेका छन् गायक प्रकाश सपुतको पछिल्लो गीतमा समेटिएको भाब जनयुद्धको यथार्थ भन्दा पूर्णरूपमा विपरीत एवं काल्पनिक छ ।
जसले लडेर यो व्यबस्था निर्माण गर्यो उसको अपमान ?कल्पनै गर्न नसकिने कुरा यथार्थ भनेर भनिदिने ? त्यो पनि मित्र प्रकाश जि बाट ? कथित सिर्जनाको नाममा यथार्थलाई बङ्ग्याएर जनयुद्धको पीडा र यथार्थ नबुझेर तया गरिएको भावले हामी युद्ध लडेका वास्तविकतासँग रमेका योद्धाहरुको घोर अपमान गरेको छ । जनयुद्धको बेइज्जत गरेर देखाइको कुनै पनि घटना/दृश्य हामीलाई स्वीकार्य छैन ।