१६ चैत, काठमाडौं । ‘अहिले गठबन्धनभित्रै गठबन्धन बन्ने अवस्था छ । हामी पाँच दलीय गठबन्धनमा छौं, अब चार दलीय गठबन्धन बन्छ कि !’ गैरआवासीय नेपाली संघको नयाँ कार्यसमिति सदस्यहरुसँग बुधबार भएको भेटमा नेकपा एकीकृत समजवादीका नेता झलनाथ खनालले भनेका छन् ।
पूर्वप्रधानमन्त्री खनालको अभिव्यक्तिले स्थानीय आवश्यकताका आधारमा मात्र चुनावी तालमेल गर्ने सरकारको नेतृत्वकर्ता नेपाली कांग्रेसको निर्णयप्रति गठबन्धनमा आवद्ध दलहरुको असन्तुष्ट झल्काउँछ ।
सत्ता गठबन्धनमा रहेका माओवादी केन्द्र र एकीकृत समाजवादीले ३० वैशाखको चुनावमा देशभर गठबन्धन चाहेका थिए । तर कांग्रेसले देशव्यापी होइन, स्थानीय आवश्यकताअनुसार मात्र तालेमेल गर्ने निर्णय गरेको छ ।