काठमाडौं महानगरमा एमालेका मेयर उम्मेदवार केशव स्थापितले आपत्तीजनक टिप्पणी गर्दै नयाँ खुलासा गरेपछि स्वतन्त्र उम्मेदवार बालेन शाहले पाउने भोट घट्ने आकलन गर्न थालिएको छ । राजनीतिक विश्लेषकहरुका अनुसार एमालेबाट मेयरका उम्मेदवार स्थापितले शाहबारे अराजनीतिक अभिव्यक्ती दिएपछि स्थापित र शाह दुईटैको भोट घट्न सक्नेछ ।
स्वतन्त्र उम्मेदवार शाहबारे काठमाडौंमा बहुसंख्यक रुपमा रहेका रैथाने नेवार लगायत समुदायलाई स्थापितले नयाँ खुराक पस्किएपछि शाहको भोट घट्न सक्ने बताउन थालिएको छ ।स्थापितले बालेनलाई मधेशीको ट्याग लगाइदिएका र मधेशलाई काठमाडौंले हेर्ने दृष्टिकोण नै फरक भएकाले भोट घट्न सक्ने विश्लेषण राजनीतिक विश्लेषकहरुले गर्न थालेका छन् ।
त्यसैगरी सबैभन्दा सचेत मानिएको जनसंख्या पनि राजधानीमा रहेकाले स्थापितका विवादित अभिव्यक्तीहरु उनलाई नै गलपासो बन्ने पनि बताउन थालिएको छ ।स्थापितले बालेनलाई अन्तर्राष्ट्रिय ठगको संज्ञा दिएका छन् । बालेनले आफूलाई मधेसको नभई काठमाडौंको भनेर झुक्क्याइरहेको उनले दाबी गरे । आज आयोजित पार्टी प्रवेश कार्यक्रममा स्थापितले सो टिप्पणी गरेका हुन् ।
उनले भने, ‘एउटा फुच्चे बालेन शाह भन्ने रहेछ । त्यो त अन्तर्राष्ट्रिय ठग रहेछ । युवाहरूले सुनौँ है । म सित परिचय गर्दा पनि म काठमाडौंमा जन्मेको पहाडिया ठकुरी भनेको थियो । तर, हिजो टिकटक हेरेको त मधेसतिरको साह रहेछ । सुरुवातमै ठग कुरा गर्ने ? दर्तावाल ठग रहेछ । यसरी सबै काठमाडौंवासीलाई ठग्न पाइन्छ ? मधेसको मान्छे भनेर आउने आँट गर्नुपर्दैन ?’
बलेनले जनतासँग आँखा जुधाउन नसकेर सधैँ चस्मा लगाउने गरेको दाबीसमेत स्थापितले गरे । उनले भने, ‘कहिले पनि चस्मा किन खोल्दैन भनेको त जनतासँग आँखा जुधाएर हेर्ने आँट रहेनछ । यस्तो मान्छेको पछि लागेर हुन्छ ? युवाहरूसँग फेस टु फेस हेरेर कुरा गर्नुपर्यो नि ।’
बलेनसँग काठमाडौंका जनताको विवरण समेत नभएको उनले बताए । ‘काठमाडौँमा महानगरको उम्मेदवारले काठमाडौंमा ८० लाख जनसंख्या छ भन्छ । कति जना मान्छे भन्ने पनि थाहा छैन उसलाई । सिंगो उपत्यकामा बनेपासम्म ४० लाख मान्छे छन् । उसले पहिल्यै ८० लाख भनेपछि योजना भताभुङ्ग भएन रु कहाँ पुर्याउँछन् यस्तोले ?प्रहार न्युज बाट