‘२०५२ सालमा शेरबहादुर देउवा पहिलोपटक प्रधानमन्त्री हुँदा देश हिंसाको बाटोमा लागेको थियो,’ रावलले भने, ‘यस्तै, सोही समयमा महाकाली सन्धी पनि भयो ।’ यस्तै, दोस्रोपटक प्रधानमन्त्री बन्दा देशमा प्रतिगमन आएको र ५ औं पटक प्रधानमन्त्री बन्दा अहिले संविधान मिच्दै धमाधम शक्ति राष्ट्रसँग सामरिक लगायतका सम्झौता हुँदैछन् ।

यस्तै, प्रधानसेनापतिको अमेरिका भ्रमण र अमेरिकी जर्नेलको नेपाल भ्रमणको औचित्यमाथि समेत रावलले प्रश्न गरे । यी विषयको जवाफ प्रधानमन्त्रीले जवाफ दिनुपर्ने रावलले बताए । यस्तै, अमेरिकाका लागि नेपालका राजदूत श्रीधर खनालले नेपालका प्रधानमन्त्रीको अमेरिका भ्रमणको विषयमा विदेश मन्त्रालय नपुगि रक्षा मन्त्रालय (पेन्टागन) पुगेर छलफल गरेको विषय समेत प्रष्ट पारिनुपर्ने रावलको भनाइ छ ।