ताप्लेजुङ ।
ताप्लेजुङको सिरीजङ्घा गाउँपालिका–७ खेवाङमा पहिरोमा परेर सासु र बुहारी बेपत्ता भएका छन् ।
पिल्ला प्रहरी कार्यालय ताप्लेजुङका अनुसार पहिरो गए राति घरमाथिबाट झरेको हो ।
वर्षासँगै राति करिब साढे ८ बजे झरेको पहिरोमा पुरिएर तुलसा अधिकारी र यशोदा अधिकारी बेपत्ता भएको पिल्ला प्रहरी कार्यालय ताप्लेजुङले जनाएको छ ।
आमा तुलसा र पत्नि यशोदा बेपत्ता हुँदा यशोदाका श्रीमान् विष्णु अधिकारी भने भागेर ज्यान जोगाउन सफल भएका छन् ।
पिल्ला प्रहरी कार्यालय ताप्लेजुङका अनुसार पहिरोले अधिकारीका दुईवटै घर बगाएको छ भने नजिकै रहेका पशुचौपायसमेत पुरेको छ ।
अत्यधिक वर्षाका कारण जिल्लाका विभिन्न ठाउँमा ठुल्ठूला पहिरो झरेपछि जनजीवन व्यापक रुपमा प्रभावित बनेको छ । यस विषयमा थप विवरण आउन बाँकी रहेको बताइएको छ ।