काठमाडौं- जनताको करोडौँ रकम कुम्ल्याएर भागेका भनिएका गौतम श्री बहुउद्देश्यीय सहकारी संस्था लिमिटेडका अध्यक्ष रामबहादुर गौतमले आफूहरू नभागेको बताएका छन् ।
उनले भागेको भन्ने समाचार भ्रामक भएको र आफू सम्पर्कमै रहेको जनाएका छन्। काठमाडौं महानगरपालिका–१४, कुलेश्वरमा केन्द्रीय कार्यालय रहेको उक्त सहकारी संस्थाका सञ्चालक फरार भएको भन्दै ११ सय ४५ जना बचत कर्ताले उजुरी दिएका थिए।
त्यसपछि संस्थाका अध्यक्ष गौतमले विज्ञप्ति जारी गर्दै आफू देश बाहिर भएकाे हुँदा सम्पर्क नभएको र बचत कर्ताको पैसा खाएर नभाग्ने प्रतिवद्धता जनाएका छन्।
राहत पाउने आशामा जुरे पहिरो पीडित
सिन्धुपाल्चोक, १७ साउन (रासस)ःजुरे पहिरो गएको आठ वर्ष भएको छ । आजभन्दा आठ वर्षअघि, साउन १७ गते जुरे माथिको पहाड खस्दा जुरेका सिङ्गो बस्ती नै पुरियो भने एक सय ४५ जनाको ज्यान गएको थियो । सयौँ घरपरिवार विस्थापित बने । पहिरो पीडितले अहिलेसम्म राहत पाउन सकेका छैनन् भने उनीहरुले पीडा पनि भुल्न सकेका छैनन् ।
पहिरोपीडितका लागि देश–विदेशबाट सर्वसाधारण लगायतका दाताले दिएको दुई करोड २४ लाख राहत रकम आठ वर्ष बितिसक्दासमेत सरकारी खातामै अड्किएको छ । राहत रकमका लागि पटकपटक पहिरोपीडितहरु जिल्ला प्रशासन कार्यालयका साथै गृह मन्त्रालयसम्म पनि धाइरहे । अघिल्लो महिना मात्रै मन्त्रिपरिषद्को निर्णयबाट रकम फुकुवा भएसँगै पीडितहरुले रकम पाउने आशा पलाएको बलेफी गाउँपालिकाका रामबहादुर तामाङ बताउनुहुन्छ ।
पहिरोपीडितका लागि सङ्कलित रकमको खाता फुकुवा भएसँगै कुन मापदण्डअनुसार वितरण गर्ने भन्ने टुङ्गोमा पुग्न जिल्ला विपद् व्यवस्थापन समितिले सरोकारवाला तथा पहिरोपीडितहरुसँग अबको बैठकमा छलफल गर्ने प्रमुख जिल्ला अधिकारी तथा जिल्ला विपद् व्यवस्थापन समितिका अध्यक्ष वेदनिधि खनालले जानकारी दिनुभयो ।
विसं २०७१ साउन १७ गते तत्कालीन मांखा र राम्चे गाविसको सीमामा पहिरो जाँदा ३० घर पूर्ण रुपमा नष्ट भएको थियो भने ५४ घरमा क्षति पुगेको थियो । तीनवटा स्थानीय तहमा ठूलो मानवीय र भौतिक क्षति भयो । अरनिको राजमार्ग पूर्ण रुपमा लामो समय बन्द रह्यो । भोटेकोसी र सुनकोसी नदीको सङ्गमस्थलबाट लगभग चार किलोमिटर दूरीमा पर्ने जुरेमा पहिराले १८ घण्टा नदी थुनिँदा जुरे आसपास आक्रान्त बनेको थियो । सुनकोसी नदी तटीय क्षेत्रका लामोसाँघु, खाडीचौर, बलेफी, सुकुटेदेखि काभ्रेपलाञ्चोक र सिन्धुलीसम्मका नागरिकहरु लामो समय त्रासमा रहे । बाह्रबिसे बजारसम्म थुनिएको नदीले डुबाउने सम्भावना बढेपछि बजार र बस्ती पूरै खाली गरिएको थियो । सानिमा हाइड्रो पावर र सुनकोसी हाइड्रो पावरको ड्यामसहित पावर हाउससम्म क्षति पुग्यो ।