वासिंगटन डिसी। विश्वकप फुटबलका लागि रङ्गशाला बनाउन खटिएका हजारौं हजार नेपाली कामदारहरुमध्ये २१ सय नेपाली कामदारको मृत्यु भएको छ।
नेपाली कामदारहरुको पीडाबारे विश्वको प्रतिष्ठित अखवार न्यूयोर्क टाइम्सले एउटा प्रमुख स्टोरी प्रकाशित गरी सो कुरा उल्लेख गरेको छ।
‘विश्वकमा विर्सिएको टीम’ शीर्षकमा नोभेम्बर १६ मा प्रकाशित सो समाचारले कतारका रंगशालाहरु सिंगार्न नेपाली कामदारहरुले गरेको मेहनत र उनीहरुले पाएको दुखबारे सप्रमाण उल्लेख गरिएको छ। विश्वकप यही नोभेम्बर २० देखि कतारमा शुरु हुँदैछ।
शम्भु चौधरी नामक कामदारले विश्वकप फाइनल हुने सुन्दर स्टेडियम आफूले बनाएको गर्व गरेको प्रसंगबाट समाचार तयार पार्दै न्यूयोर्क टाइम्सले कतारलाई यत्रो उपलब्धी दिलाउने नेपाली कामदारहरुको पाएको न्यून तलब, कतारको अत्याधिक गर्मीमा गर्नु परेको काम साथै दुखद र वाध्यात्मकरुपमा परदेशिनु परेको पीडालाई उल्लेख गरेको छ।
हजारौं हजारको श्रम शोषण भएको उल्लेख गर्दै अखबारले सन् २०१० यता कतारका एक्काइस सय नेपाली कामदारहरुको मृत्यु भएको तथ्यांक पनि प्रस्तुत गरेको छ। सन् २०१० कतारले विश्वकप आयोजना गर्नका लागि अनुमति पाएको बर्ष हो।
मानवअधिकारवादी संस्थाहरुले हजारौंको संख्यामा कामदारहरु मरेको बताएको भए पनि आयोजक देश कतारले भने ज्यादै कम रेकर्डमात्र देखाएको समाचारमा उल्लेख गरिएको छ। कतारले केबल ३७ जनामात्र कामदारहरु विश्वकप फुटबलको रंगशाला निर्माणका क्रममा मरेको रेकर्ड देखाएको छ।
हजारौं हजारको श्रम शोषण भएको उल्लेख गर्दै अखबारले सन् २०१० यता कतारका एक्काइस सय नेपाली कामदारहरुको मृत्यु भएको तथ्यांक पनि प्रस्तुत गरेको छ। सन् २०१० कतारले विश्वकप आयोजना गर्नका लागि अनुमति पाएको बर्ष हो।
गरीवी, निराशा र आवश्यकताका बीचमा फसेका नेपालीहरु अहिले बेर्षेनि बैदेशिक रोजगारीको खोजीमा रहेको उल्लेख गर्दै समाचारमा चीन र भारतजस्ता महाशक्तिका बीचमा रहेको तर उद्योग र अवसरहरु नभएको नेपालमा कामदार जनशक्ति भने प्रशस्त भएको र यिनै कामदारको श्रम लिएर कतारको पुननिर्माण भएको पनि जनाइएको छ।
सन् २०१५ मा मात्र २ लाख ४ हजारले कतारका लागि श्रम स्वीकृति पाएको, गतबर्षमात्रै ६ लाख ५० हजार नेपालीहरु श्रमबजारमा खाडी मुलुक गएको र खाडीबाट फर्किने युवाहरुमा मृगौला रोग देखिने गरेको पनि समाचारमा उल्लेख गरिएको छ।
अत्याधिक गर्मीले हृदयघात हुने र यसबाट मर्नेमात्र होइन कि खाडीमा नेपाली कामदारहरुको आत्महत्याको डरलाग्दो स्थिति पनि समाचारमा उल्लेख गरिएको छ।
तारिक पान्जा र भद्र शर्माको संयुक्त वाइलाइनमा प्रकाशित सो समाचारमा नेपालबाट खाडी जाँदा गरिएका स्वास्थ्य परिक्षणका रिपोर्टहरुका उनीहरुको स्वास्थ्य राम्रो देखिने गरेको र यीमध्ये कोही उतै विभिन्न कारणले मर्ने गरेको तथा फर्किने कतिपयमा मृगौलाको समस्या देखिने गरेको र यो २० देखि ४५ बर्षसम्मका युवामा पाइएको पनि डाक्टरलाई उद्धृत गर्दै उल्लेख छ।
यो पनि पढ्नुहोस् :
पछिल्लो समयको सांगितिक बजारमा नेपाली लोक गित संगित चर्चा परिचर्चामा रहेको छ । समस्त लोक दोहोरी गित सबै दर्शक स्रोताको नजरमा लोकप्रिय भन्दै गएका छन् । कति गितहरुले त करोड क्लव प्रवेश गरिसकेका छन् त कति गर्ने बालामा छन् । यसै सन्दर्भ बजारमा धेरै सर्जकले आफ्नो गित दर्शक स्रोतामा पठाएका र कयौ माया पाएका छन् ।
लोक तथा दोहोरी क्षेत्रमा पछिल्लो समय एकपछि अर्को गरेर गीतहरु आउनेक्रम बढेको छ । मायाप्रेम र बिछोडले भरिएका गीतहरु दैनिकजसो बजारमा आईरहेका छन् । त्यसो त रमाईला, नचाउने किसीमका गीतहरुपनि बजारमा आईरहेका छन् तर बढिजसो मायाप्रेमका गीतहरु आउने गर्छन् कारण यस्ता गीतलाई दर्शकश्रोताले रुचाउछन् ।
नेपाली गीत संगीतको क्षेत्रमा एकपछी अर्को गर्दै निकै उत्कृष्ट गीत संगीत बजारमा आइरहेका छन् । सोहि क्रममा हिन्दुहरुको महान चाड वियजा दशमी एवम् शुभ-दिपावली नजिकिदै गर्दा थुप्रै नयाँ चाडपर्व विशेष गितहरु सार्बजनिक हुने क्रम तिब्र देखियको छ । कोरोनाका कारण ग्रसित भनेको समस्त गितसंगितको क्षेत्र विस्तारै उकासिदै छ, नेपालि कलाकारहरुले दर्शकहरुलाई मनोरंजन दिनका निमित्त धमाधम नया नया गितहरु सार्बजनिक गर्दै आयका छन् ।
यसै बिच लोकप्रिय गायक, सर्जक एवम् वियोगान्त गित संगितका धरोहर पुश्कल शर्माको नयां दशै गितको अफिसियल म्युजिक भिडियो भखरै सार्वजनिक भएको छ । लोकप्रिय गायक एवम् सर्जक पुश्कल शर्माको उत्कृष्ट लय शब्द संकलन रहेको गितमा गायक शर्मा सगैं अर्का चर्चित गायक कुशल वेलवासेले साथ दिएका छन् । बर्षेनि वियोगान्त गितसंगित मार्फत आफ्ना फ्यानहरुलाई रुवाएका शर्माले यस बर्ष पनि मार्मिक दशै गित लिएर आईसकेका छन् , गित सार्वजनिक भएको छोटो समयमै लोकप्रिय वनिसकेको छ, प्रदेशमा रहेका नेपालीहरुको यथार्थ कथा व्यथालाई गितमा उतारिएको छ ।
मन्दिर म्युजिक प्रा.लि.को प्रस्तुतिमा रहेको गितको म्युजिक भिडियो पनि अत्यन्तै मार्मिक वनेको छ । गित गाऊन, सृर्जना गर्न देखि अभिनय सम्म अब्बल रहेका शर्मा निर्देशनमा पनि उत्तिकै अव्वल रहेका छन्, उनी कला र गलाको धनि मात्रै नभई सामाजिक कार्यहरुमा एवम् समाजसेवामा पनि अत्यन्तै अग्रस्थानमा छन । मुटु जलाई जलाई गित देखी चम्किएको पुश्कल शर्माको सांगितिक यात्रा अहिलेसम्म उत्तिकै चर्चामा रहेको छ ।
अत्यन्तै मार्मिक शब्दले भरिएको ‘दाजुभाई’ गितमा पनि शर्मा आफैले निर्देशन गरेका छन् । पुश्कल शर्मा, अन्जलि अधिकारी, सुरज घिमिरे, हिऊबाला गौतम लगायत कलाकारहरुको मनछुने अभिनय रहेको गितको म्युजिक भिडियोलाई सुरेश श्रेष्ठको छांयाकन एवम् दिपक विष्टको सम्पादन रहेको छ ।
उक्त गितको म्युजिक भिडियो Puskal Sharma को अफिसियल युटुव च्यानलबाट बजारमा पठाईएको छ ।
गितले सबैको मन जितोस् हाम्रो तर्फबाट शुभकामना सहित हेर्नुहोस् गितको पुरा म्युजिक भिडियो :
यो पनि पढ्नुहोस् :
राष्ट्रिय स्वतन्त्र पार्टीका सभापति एवं चितवन निर्वाचन क्षेत्र नम्बर २ का प्रतिनिधि सभा सदस्य उम्मेदवार रवि लामिछानेबिरुद्ध उम्मेदवारी खारेजीको मागसहित उजुरी परेको छ ।
उम्मेदवार लामिछानेले विदेशी मुलुकको नागरिकता प्राप्त गरेपछि नेपालको नागरिकता त्याग नगरेकाले उम्मेदवारी खारेजी गर्नुपर्ने भन्दै उजुरी परेको हो । उम्मेदवार लामिछानेकोविरुद्धमा राजकुमार पाण्डेले उम्मेदवारी खारेज गर्न माग गर्दै निर्वाचन अधिकृतको कार्यालयमा उजुरी दर्ता गराएको निर्वाचन आयोगका उपन्यायाधिवक्ता गुरुप्रसाद वाग्लेले जानकारी दिए ।
मंगलवार न्युज एजेन्सी नेपालसँगको कुराकानीमा निर्वाचन आयोगका उपन्यायाधिवक्ता वाग्लेले उम्मेदवार लामिछानेबिरुद्धको उजुरीपछि कानुनी व्यवस्था अनुसार प्रतिनिधि सभा सदस्य निर्वाचन क्षेत्र नम्बर २ चितवनको निर्वाचन क्षेत्रलाई पत्राचार गरेको बताए ।
उनले निर्वाचन अधिकृतले सम्बन्धित व्यक्तिबाट स्पष्टीकरण प्राप्त गरेर आयोगमा पठाइसकेपछि थप प्रक्रिया अघि बढ्ने पनि बताए । त्यस्तै उनले गृहमन्त्री बालकृष्ण खाणबिरुद्ध परेको बहुविवाहको उजुरी तथ्यपरक नदेखिएकाले तामेलीमा राख्नेगरी आयोगबाट निर्णय भएको बताए ।
निर्वाचन विवाद निरुपण सम्बन्धमा आयोगमा अहिलेसम्म परेका ६ वटा उजुरीमा २ वटा फस्र्यौट भइसकेको आयोगले जनाएको छ । ललितपुर ३ की उम्मेदवार तोषिमा कार्की, प्रतिनिधि सभा सदस्य दोलखाका उम्मेदवार बालकृष्ण शिवाकोटी, प्रदेश सभा सदस्य उम्मेदवार सन्तोषकुमार मेहता, प्रदेश सभा सदस्य समानुपातिक निर्वाचन प्रणालीतर्फ रेवतराज पुरीविरुद्ध उजुरी परेको आयोगले बताएको छ ।
उपन्यायाधिवक्ता वाग्लेले आचारसंहीता उल्लंघनका उजुरीमा मुलतः मतदातालाई आर्थिक प्रलोभन देखाएको, स्थानीय तहका निर्वाचित कार्यपालिकाका पदाधिकारीहरुले आफ्नो कार्यपालिका भित्र प्रचारप्रसार गरेको उजुरी धेरै आएको बताए ।
त्यस्तै सरकारी कर्मचारीहरु राजनीतिक दलको प्रचारप्रसारमा सहभागी बनेको, आचारसंहीता विपरितका सामग्री प्रयोग गरेर प्रचारप्रसार गरेको उजुरीहरु पनि धेरै आएको बताए । आचारसंहिता लागू गरेपछि आयोगमा हालसम्म निर्वाचन आचारसंहीता उल्लंघनका १२१ वटा उजुरी परेका छन् । जसमध्ये ११ वटा उजुरी फस्र्यौट भइसकेका छन् भने ११० वटा उजुरी फस्र्यौट गर्न बाँकी रहेका छन् ।
यो पनि पढ्नुहोस् :
काठमाडौं । दोहोरी खेल्ने कलाकारहरू गीतमा संवाद गर्छन्, काल्पनिक विषयवस्तु बनाएर । दोहारीमा गरिने माया-प्रेम वा धोका र विछोडका कुराहरू प्राय काल्पनिक हुन्छन् र दोहोरीमै सीमित हुन्छन् । तर, चर्चित दोहोरी कलाकार बबिता बानियाँ ‘जेरी’ यतिबेला आफ्नो वास्तविक जीवनकै घटनाक्रमलाई दोहोरीमा गाएर चर्चा र संवेदना बटुलिरहेकी छन् ।
श्रीमान् शंकर क्षेत्रीसँग जेरीले हालै गरेको सम्वन्धविच्छेदको खबर मिडियाहरूमा ठूलो हेडलाइन बनेको थियो । डिभोर्ससँगै जेरीले एउटा युट्यूव च्यानललाई दिएको अन्तरवार्ताले आम सर्वसाधारणको सहानुभूति उनीतर्फ खिचियो । उक्त अन्तर्वार्तामा विवाह गरेदेखि श्रीमान्बाट पाएको प्रताडनाको वर्णन गरेकी थिइन् । जेरीले सो अन्तर्वार्तामा आफू अब डिभोर्सको विषयमा मिडियासँग नबोल्ने बताएकी छन् ।
तर, अहिले लाइभ दोहोरीमै जेरीले पारिवारिक विषय ल्याएर आँशुको भेल बगाउन थालेपछि मिश्रित प्रतिक्रिया आउन थालेको छ । धेरैले उनीप्रति सहानुभूति जनाइरहेकै छन्, तर कतिपयले ‘आँशुको व्यापार गरेको’ आरोप पनि लगाएका छन् ।
जेरीले आफ्नै भाइ विजय बानियाँसँग दुई दिनअघि गाएको लाइभ दोहोरी अहिले भाइरल छ । संगीतकार बीबी अनुरागीको जुनकिरी लाइभ स्टुडियोमा उनले सो दोहोरी गाएकी हुन् । शोकधुन बजाउँदै गाइएको उक्त दोहोरीमा जेरी विक्षिप्त देखिएकी छिन् भने भाइ विजय शोकाकुल छन् । कार्यक्रममा भाग लिएका सबै कलाकार अनवरत सुँक्क-सुँक्क गरिरहेका हुन्छन् । कुनै महिलाको डिभोर्स हुनु भनेको उनका लागि जीवनकै समाप्ति हो भन्ने गलत सन्देश दिने गरी यो लाइभ दोहोरीको ‘सेटिङ’ गरिएको छ ।
उक्त दोहोरीमा व्यक्त भावअनुसार परिवारले नरुचाउँदा-नरुचाउँदै जेरीले शंकरसँग एकोहोरो प्रेम र विवाह गरेकी थिइन् ।
दोहारीमा विजय भन्छन्ः उहीलाई रोजेउ भन्दा नि खराब छ, तिम्रा निर्दोष आँशुले सराप्छ
जेरी जवाफ दिन्छिन्ः थाथ्यो पहिल्यै थिएन लायक, अरु मनै परेन ऊबाहेक
दोहोरीमा जेरीले आफ्नो छोरीलाई जोडेर केही हृदयविदारक कुराहरू गरेकी छन्ः
हिँड्ली भाञ्जी अटेरी बनी, नपिटेस है बाउजस्तै छ भनि
यो आगो त उल्लाइ नि झोसियो, दुई वर्षमै बाउको काख खोसियो
सँगै राख्नु भाञ्जीको घर छैन, मर्छु होला मेरो त भर छैन
बच्चा सम्झि पागलै भाथेँ म सँगै लेर मर्न नि गाथेँ म
समयमा सुताउनु खुवाउनु, म मरे नि भाञ्जीलाई नरुवाउनु
०००
लाइभ दोहोरीमा पहिल्यैदेखि बहुचर्चित जेरी डिभोर्सपछि झन् धेरै डिमान्डेड बनिरहेकी छन् । एउटा दोहोरी गाएको १० देखि १५ हजार रूपैयाँ लिने उनले डिभोर्सपछि मात्रै ४० वटा दोहोरी गाइसकेको बुझिएको छ । प्रायः दोहोरी सञ्चालकले उनलाई वास्तविक जीवनमाथि नै गाउन लगाइरहेका छन् र उनले पनि खुशीसाथ गाइरहेकी छन् । दोहोरी गायकहरू रविन लामिछाने, बालचन्द्र बराजलगायतले जेरीका पूर्वपति शंकरको भूमिकामा रूपमा पेश भएर उनीसँग दोहारी गाएका छन्, जुन निकै हास्यास्पद लाग्छ ।
सबै दोहोरीमा एउटा कुरा साझा छ, जेरीको पीडा र आँशु । तर, यतिबेला दोहोरी सञ्चालकहरूले उनको आँशुलाई बिकाउ वस्तु बनाएको जस्तो प्रतित हुन्छ । उनको पीर-वेदनलाई व्यापारको साधन बनाइएको भान हुन्छ । आफ्नो वास्तविक कथालाई दर्शक/स्रोतामाझ पोखेर जेरी हलुंगो हुन खोजेकी हुन सक्छिन् । तर, यसले उनको व्यक्तित्वलाई नै हलुंगो बनाउने खतरा बढेको छ । पीर बिसाउने बहानामा उनले आफूलाई अर्को मिना ढकाल बनाउनुहुँदैन भन्ने शुभचिन्तकहरूले चाहेका छन् । भोलि छोरी बुझ्ने भएपछि यस्ता दोहोरी हेर्दा उनलाई कस्तो असर पर्न सक्छ भन्ने सायद जेरीले सोचेकी छैनन् ।
जेरीले डिभोर्स भएलगत्तै दिन ‘चोट’ बोलको गीत पनि युट्यूवमा सार्वजनिक गरेकी छिन् । यो गीत पनि उनको वास्तविक जीवनकै कथामा आधारित छ । यद्यपि, जेरीले यो गीत आफूले शंकरसँग भेट हुनुभन्दा अगाडि नै रचेको बताएकी छन् । पहिले गरेको कल्पना अहिले सत्यमा बदलिएकाले आफूले सार्वजनिक गरेको उनको भनाइ छ।
यो पनि पढ्नुहोस् ;
क्रिकेट राष्ट्रिय टोलीको कप्तानसमेत भइसकेका उदयमान क्रिकेटर सन्दीप लामिछाने पुर्पक्षका लागि कारागार चलान भएका छन् ।
काठमाडौं जिल्ला अदालतले बला’त्कार आरोपमा मुछिएका लामिछानेलाई पुर्पक्षका लागि कारागार पठाउने आदेश दिएको हो । यससँगै लामिछाने केन्द्रीय कारागारमा चलान भएका छन् भने उनको क्रिकेट जीवन ध्वस्त भएको छ ।
शुक्रबार नाबालिग ब’ला’त्का’र आयोगमा लामिछानेको मुद्दामा थुनछेक बहस सकिएसँगै न्यायाधीश माधवप्रसाद घिमिरेको इजलासले पुर्पक्षका लागि थुनामा पठाउने आदेश दिएको थियो । सोमबार काठमाडौं जिल्ला अदालतमा दर्ता भएको क्रिकेटर लामिछाने विरुद्धको जबर्जस्ती क’रणीको मुद्दामा मंगलबारबाट बयान सुरु भएको थियो ।
यो पनि पढ्नुहोस :
गाँजा लागुऔषध कि औषधि ? यो बहस नेपालमा जारी छ । गाँजाको प्रतिबन्ध फुकाउनु पर्ने र अर्थोपार्जनको समेत माध्यम बनाउन दिनुपर्ने माग सांसदहरूले नै गरेपछि यो विषय फेरि एक पटक सतहमा आएको छ ।
गाँजालाई लागुऔषध र नसाको रूपमा अर्थ्याइए पनि खासमा यसको प्रयोग गर्न जाने अचुक औषधि हुन सक्ने तर्कहरू गरिएको छ । यस्तो छ गाँजाको लाभ
— सुत्केरी व्यथा लागेको महिलालाई गाँजाको एक चम्चा धुलोलाई दूधसँग मिलाएर खाएमा प्रसव छिटो हुन्छ ।
— यसको धेरै सेवन गर्नाले नकारात्मक असर गर्दछ ।
— यसले भोक लाग्ने, निन्द्रा लाग्ने काम गर्दछ । यसले कफ, वातवायु अग्निदीपन आदिलाई हरण गर्छ ।
— पाचनक्रियालाई दुरूस्त बनाउनुका साथै शरीरलाई पनि तागत दिलाउँछ ।
— चोप, बीज र यसको सबै भागको धुलो बनाइँ वा भाङ र मरिचलाई सख्खरसँग मिलाई मनतातो पानीसँग खानाले उदरशुल, पेटको दुःखाइ आदिलाई शान्त गराउँछ ।
यो पनि पढ्नुहोस् :
बलिउड इन्डस्ट्रीकी उत्कृष्ट अभिनेत्री मलाइका अरोरा निकै चर्चित छिन् । मलाइका अरोराले धेरै फिल्ममा काम गरिसकेकी छिन् । उनले धेरै फिल्ममा आइटम नम्बर पनि गरेकी छिन् ।
उनको फ्यान फलोइङ ठूलो छ । अभिनेत्री मलाइका सामाजिक सञ्जालमा धेरै सक्रिय छिन्। उनी हरेक दिन केहि वा राम्रो पोस्ट शेयर गरिरहन्छिन्। जसलाई फ्यानहरुले निकै रुचाउने पनि गरेका छन् ।
उनका पोष्टमा लाइक र कमेन्ट तथा आक्रोशका स्वरहरु पनि उत्तिकै नै भेटिने गरेको छ । यसै क्रममा अभिनेत्रीको एउटा खुलासाको निकै चर्चा भएको छ, जसमा उनले आफूसँग निकै राम्रो पार्टनर रहेको बताएकी छिन् ।
अभिनेत्री मलाइका अरोरा दिनहुँ चर्चामा रहन्छिन् । उनी चर्चामा आउनुको कारण या त उनको प्रेम जीवन हो वा उनको ड्रेसिङ सेन्स । मलाइका अरोरा विगत केही वर्षदेखि बलिउड अभिनेता अर्जुन कपूरसँग डेट गरिरहेकी छिन् ।
दुवैलाई प्रायः सँगै देख्न पनि पाइन्छ । यो जोडी सँगै बिदा मनाएको पनि देखिन्छ । दुवैका धेरै तस्विरहरु सामाजिक सञ्जालमा भाइरल भइरहेका छन् । दुबैको तस्विरलाई फ्यानहरुले निकै रुचाएका छन् ।
तर, यसै क्रममा उनले यस्तो भनेकि छिन् जसले सबैको होश नै उडाएको छ । मलाइकाले आफू एक्लै कसरत नगर्ने भएकाले वर्कआउट गर्दा राम्रो पार्टनर चाहिने बताइन् ।
त्यसका लागि अर्जुन कपुर राम्रो पार्टनर नरहेको उनले बताएकी हुन् । उनले अर्जुन संग रमाईलो जिवन मात्र उत्कृष्ट रहेको तर पार्टनरका लागि पर्फेक्ट नभएको उनको भनाई थियो ।
जसपछि उनले आफ्नी बहिनी अमृता अरोरा उनको बेस्ट वर्कआउट पार्टनर भएको पनि बताएकी छिन् । अभिनेत्री मलाइका अरोराकी बहिनी अमृता अरोराको जन्मदिनको कुरा गर्ने हो भने उनको जन्मदिन अभिनेत्री करिना कपूरको घरमा मनाइएको थियो ।
कारण अमृता र करीना साथी हुन् । यस्तो अवस्थामा बेबोले आफ्नी साथी अमृताका लागि पार्टीको व्यवस्था गरिन् । दुबै एकअर्कासँग प्रायः देखिने गरेका छन् । मलाइका अरोरा यसअघि आफ्नी बहिनी अमृता अरोराको जन्मदिनमा बेबो अर्थात करिना कपूरको घर गएकी थिइन् । त्यहाँ सबैले खुब रमाइलो गरे । साथै उनका तस्विरहरु सामाजिक सञ्जालमा निकै भाइरल भएका छन् । जसलाई फ्यानहरुले निकै रुचाएका छन् ।