काठमाडौ।
चितवन क्षेत्र नं २ बाट प्रतिनिधिसभामा निर्वाचित भएपछि रवि लामिछाने घरदैलोका क्रममा सुनेका समस्यालाई सम्बोधन गर्ने क्रममा टोल–टोलमा पुगेका छन्।
धर्मचोक सडक मर्मत, ठिमुरा मोटर पुल निर्माण, ठिमुरा रामनगर खानेपानी समस्याका विषयमा उनले जनताको उपस्थितिमा सरोकारवालालाई बोलाएर छलफल थालेका छन्। रामनगरमा पानीको समस्या भएको गुनासो आएपछि गाउँलेको उपस्थितिमा पानी ट्याङ्कीआसपास सरसफाइसमेत भएको छ। जब रवि फिल्डमा उत्रिए अब रामनगरवासीले सहजै खानेपानी पाउने भए भन्ने विषय सञ्चारमाध्यम र सामाजिक सञ्जालमा व्यापक भयो।
स्थानीय सरकार भरतपुर महानगरले रविको कामबारेको यस विषयलाई तत्कालै प्रतिक्रिया दियो। महानगरपालिकाले रामनगरमा बृहत् खानेपानी आयोजना अघि बढाएको भनी रविको काममा काउन्टर दिएको छ। एडिबीको सहयोगमा हाल डिपिआरको काम भइरहेको भन्दै महानगरले सस्तो लोकप्रियताका लागि काम गरेको टिप्पणीसमेत गरेको छ। रविको यो कामलाई केहीले स्टन्ट भनेका छन् भने केहीले जनताको समस्याको सुनुवाइ हुन थालेको प्रतिक्रिया दिएका छन्। तर, महानगर प्रमुख रेनु दाहालले रामनगरको खानेपानी समस्याका लागि संघीय बजेट नै व्यवस्था भएकोले झूटो प्रचार नगर्न आग्रह गरिन्।
पूर्वमन्त्रीसमेत रहेका चितवन क्षेत्र नं ३ का प्रतिनिधिसभा सदस्य विक्रम पाण्डे चुनाव जितेपछि केही दिन विजय ¥यालीमा सहभागी भए। त्यसपछि उनी पनि रविकै शैलीमै फिल्डमा उत्रिए। भरतपुरबाट मेघौली जाने चनौली–ज्योतिनगर–चाँदनी चोकको सय मिटर बाटो अलपत्र परेकोमा पाण्डेको निर्देशनअनुसार काम सुरू भनेर फोटोसहित सामाजिक सञ्जालमा व्यापक बनाइयो।
पाण्डेले नै भरतपुर महानगरअन्तर्गत वडा नं–२७ को बेथरी खोलाको पुल अलपत्र परेकोमा छिटो बनाउन निर्देशन भनी सार्वजनिक भयो। जसको जवाफमा भरतपुर महानगरपालिकाले त्यस पुलको ठेक्का असोज ४ गते नै भएको र निर्माणको जिम्मासमेत जिएमआर कन्स्ट्रक्सनले पाएको उल्लेख गरेको छ। ‘महानगरले प्राथमिकता दिएर अघि बढाएको योजनालाई मिडियाबाजी गरेर चर्चामा आउने काम भएको छ’, भरतपुर महानगर प्रमुख रेनु दाहालले भनिन्, ‘नवनिर्वाचित सांसद्ज्यूहरुलाई सक्नुहुन्छ भने नयाँ भिजनका साथ नयाँ कार्यक्रम ल्याउन मेरो आग्रह छ।’
महानगरले बजेट व्यवस्थापन गरेर सुरू गरेको कामलाई समेत जनता झुक्याउने शैलीमा कामै भाछैन, ढिला भाछ भनेर मिडियाबाजी गर्नु सस्तो लोकप्रियता कमाउनका लागिमात्रै गरिएको प्रचार हो भन्ने बुझेका छौँ’, मेयर दाहालले भनिन्।
निर्वाचित हुनुपूर्व पनि केही उमेदवारले महानगरको आयोजनालाई आफूले पूरा गर्ने भनी जनता ढाँट्ने काम भएको भन्दै उनले नारायणी नचितवन पोस्ट दी तटबन्धमा झन्डै ५ अर्बको बजेटबाट काम हुन लागेको कुरा जनतालाई थाहा हुँदाहुँदै पनि ढाँट्ने काम भएको र जुन निन्दनीयसमेत रहेको महानगर प्रमुख दाहालले बताइन्। चितवन पोस्टबाट
यो पनि पढ्नुहोस् :
काठमाडौं— अर्थमन्त्री जनार्दन शर्माले अर्थतन्त्र नबुझेकाहरुले मात्र मुलुकको अर्थतन्त्र संकटमा छ भन्ने गरेको टिप्पणी गरेका छन् ।
बिहीबार नेपाल आर्थिक पत्रकार समाज ९सेजन० को २६ औं स्थापना दिवसको अवसरमा आयोजित कार्यक्रममा अर्थमन्त्री शर्माले अर्थतन्त्रमा केही दबाव र चुनौती रहेको तर संकटमा छ भन्न नमिल्ने बताए ।
‘अर्थतन्त्रमा प्रायः सूचकहरु सकारात्मक छन् भने कहाँ छ संकट, अर्थविद्, व्यवसायी र राजनीतिक व्यक्तित्वहरुले यहाँ चुनौती छ भनौं तर संकट छ भनेर नभन्न अग्रह छ । अर्थतन्त्रमा देखिएका समस्या र चुनौती समाधान गर्न आवश्यक कदम चाल्न सरकार र राष्ट्र बैंक खुला छलफल गर्न तयार रहेको छ’ उनले भने ।
नेपाल मिश्रित खालको अर्थतन्त्र भएकाले एकैपटक माथि पुगेर तल झर्ने अवस्था नहुने भन्दै उनले अर्थतन्त्रका सुचाङ्क सुधारउन्मुख छन् । रेमिट्यान्स, विदेशी मुद्रा सञ्चिती र पर्यटन क्षेत्रमा सुधार देखिएको अर्थमन्त्री शर्माले बताए ।
‘राजश्व संकलनमा कमी भएको छ । प्रशासनिक र खुला सीमाना व्यवस्थित गर्ने विषयमा केन्द्रित छ । अहिले बजारमा माग घटेका कुराहरु छन् । कामको गति घटेको कारण माग घटेको हो । अब विकास निर्माणका कामलाई तिब्रता दिएसँगै माग सिर्जना हुन्छ’ उनले भने ।
अर्थमन्त्री शर्माले पूर्वाधारमा लगानी बढाउन सक्दा जुम्लाबाट १२ घण्टा र चितवनबाट १ घण्टामा काठमाडौं आउनसक्ने वातारण बन्ने बताए । मन्त्री शर्माले नयाँ निर्वाचनले दलहरुलाई आफ्नो विगतको कामको समीक्षा गर्ने अवसर दिएको पनि बताए ।
यो पनि पढ्नुहोस् :
काठमाडौँ — बुधबार उच्च अदालत जनकपुरका न्यायाधीशद्वय भोजराज अधिकारी र डालकुमार खड्काको संयुक्त इजलासले नाबालक सन्तानको पालन पोषण गर्नुपर्ने संवेदनशिलतालाई विचार गरि प्रस्तुत मुद्दा किराना लगाउनुपर्ने देखिएको हुँदा अग्राधिकार दिई पेश गर्न आदेश दिएको छ।
आफूलाई जबर्जस्तीकरणी गरेको भन्दै निहारिकाले आफ्ना प्रेमि शिवराज श्रेष्ठमाथि धनुषा जिल्ला अदालतमा मुद्दा दर्ता गराएकी थिइन्। त्यतिवेला उनको बच्चा जन्मिसकेको थियो।
धनुषा जिल्ला अदालतले तत्कालीन समयमा आपसी सहमतिमै यौनसम्बन्ध स्थापित भएको देखिएको र आपसी सहमतिको यौनसम्बन्धलाई बलात्कार भन्न नमिल्ने भन्दै शिवराजलाई सफाई दिएको थियो। यससँगै अदालतले नाता कायमका लागि अर्कै कानूनी प्रक्रियामा जानसमेत सुझाएको थियो।
तर, जिल्ला अदालतको फैसलामा असन्तुष्टि जनाउँदै निहारिकाले काठमाडौंमा अनशन समेत बसी न्यायको माग गरेकी थिइन्। निहारिकाको आन्दोलन लगत्तै सरकारी वकिल कार्यालय पुनरावेदनका लागि उच्च अदालत जनकपुरमा पुगेको थियो।
निहारिकाले आफूमाथि अन्याय भएको भन्दै राष्ट्रपतिको कार्यालय अगाडि आत्मदाहको प्रयाससमेत गरेकी थिइन्। त्यसलगत्तै सरकारसँग वार्ता गरी शिवराज र निहारिकाबाट जन्म भएको बालकको डीएनए टेस्ट गराउने सहमति गरिएको थियो।
सहमति अनुसार सरकारी वकिलले उच्च अदालत जनकपुरमा शिवराज र बालकको डीएनए म्याच गराउन राष्ट्रिय विधिविज्ञान प्रयोगशाला, खुमलटारमा पठाएको थियो। उनीहरू डीएनए मिलेको थियो। त्यसको रिपोर्ट आएपछि बुधबार उच्च अदालत जनकपुरमा त्यस मुद्दामा सुनुवाइ भएको हो।
काठमाडौं महानगरपालिकाका मेयर बालेन्द्र शाहले थापाथलीको सुकुम्बासी वस्ती खाली गर्ने महानगरको कदमबारे एमाले अध्यक्ष केपी शर्मा ओलीले गरेको टिप्पणीको विरोध जनाएका छन् । उनले सुकुम्बासीहरू केपी ओलीको भोट बैंक मात्र रहेको आरोप लगाएका छन् ।
आज आयोजित एक कार्यक्रममा बोल्दै ओलीले महानगरको कदमको कडा आलोचना गरेका थिए । ओलीलाई जवाफ फर्काउने क्रममा मेयर शाहले यस्तो टिप्पणी गरेका छन् । उनले लेखेका छन्-
सम्माननीय पुर्वप्रधानमन्त्री केपी ओलीज्यू,:अधिकारसम्पन्न बागमती सभ्यताको आग्रह र समन्वयमा काठमाण्डौ महानगरले आफ्नो जिम्मेवारी पुरा गर्दै गरेको कार्यप्रति तपाईको धारणा थाहा पाएँ । तपाईबाट नै यस्तो धारणा आउनु सामान्य बिषय हो । किनभने, २०४७ यता १४ वटा आयोग गठन हुँदा पनि काठमाण्डौको सुकुम्वासी समस्या समाधान गर्न सक्नु भएन ।
मन्त्री र पटक पटक त्यो पनि दुईतिहाइको सरकारको प्रधानमन्त्रीसम्म हुनु भयो तर सुकुम्वासीले भोगेको ३२ वटा जाडो देख्नु भएन । सुकुम्वासीहरु तपाईका लागि भोट बैंक मात्रै रहे । बरु तिनलाई गुठी आन्दोलन जस्ता आफ्नो स्वार्थ विपरितका कुराहरुमा प्रयोग गर्नु भयो । त्यो पनि राजनीतिक स्वार्थवश् ।
तपाईलाई जनता, नदीनाला र नेवा सभ्यताको त्यत्रो माया भएको भए तपाईको नेतृत्वमा लुँहिटी (सुनधारा) सक्काएर सेतो टावर किन ठड्याउनु भयो ? हुनमान ढोकाको पुनर्निर्माणमा नेवा सभ्यताको मौलिकता नासेर विदेशीलाई निर्माण गर्न दिने कार्यलाई कसरी अगाडी बढाउनु भयो ? यी सबै हेर्दा नेवा सभ्यता जोगाउने, नदिक्षेत्रको अतिक्रमण रोक्ने कार्यको तपाईले बिरोध गर्नु असामान्य होइन ।तर अब परिस्थिति फेरिएको छ । यसैले सकेको सहयोग गर्नुहोला तर कसैका विरुद्धमा कसैलाई प्रयोग गर्ने कुचेष्टा नगर्नुहोला ।