को होला त्यो’ फ्रेम्ड गायक गिरीले शुक्रबार ‘जुम्ला’बोलको गीत सार्वजनिक गर्दैछन् । उक्त गीतको भिडियोमा मिस पबि र रोसन केसीले अभिनय गरेका हुन्। जुम्ला पुगेरै छायाँकन गरिएको गीतका शब्द गिरीले अमन निलसागरसँग मिलेर कोरेका हुन्, गीतमा संगीत एवं संगीत संयोजन गायक गिरीकै छ ।
डडेल्धुराकी २३ वर्षीया पवित्रा साँकी टिकटकमा ‘मिस पबि’का नामले चर्चित छिन् । टिकटकमा ८ लाख ७२ हजार बढी फ्लोअर्स कमाएकी उनले चुनावअगाडि प्रधानमन्त्री शेरबहादुरबिरुद्ध उम्मेद्वारी दिएका सागर ढकालको पक्षमा खुलेर टिकटकबाटभोट मागेकी थिइन् ।
स्थानीय भाषामा बोलेर उनले बनाउँदै आएका टिकटक भिडियोलाई दर्शकले निकै रुचाइँदै आएका छन् । उनै ‘मिस पबि’ले यसपटक चर्चित गायकको गीतमा अभिनयको मौका पाएकी हुन् । उनले यसअघि पनि केही म्युजिक भिडियोमा अभिनय गरेकी थिइन् । यद्यपी, ति म्युजिक भिडियोहरुले खास्सै चर्चा भने पाएका थिएनन् ।
शिशिर खातीको निर्देशनमा तयार ‘जुम्ला’ को भिडियोलाई भने बिबेक बि.क.ले छायाँकन गरेका हुन् । सुनिल गिरीको अफिसियल युट्युब च्यानलमार्फत गीत सार्वजनिक हुनेछ ।